1 PITAR 1:3 - OTSAO BAIBEL (BSI)

³ Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

1 PITAR 1:3 ပူးပေါင်းရင်းမြစ်များ

1 PITAR 1:23

Chemthüikoxle ozün ma tüikya tamchu oshuk chitüikya Zang kax makhange, otuechu chizitox angkya Jowanpa susabu ang achang ang hünzom tamchatle pux ang tom.

1 JUHAN 5:4

Chemthüikoxle Zang susabu noke wüi chaxwannu to lüt ang thole. Üntoxle mongong makhange keme chaxwannu to anaole.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

2 KORIN 1:3

Chingchae awangkya Hopa, Zang, owa makhange fongkya oli pangnu hüipuix, ija Zang tamchu kem Jowanpa Jisu Khrista Hopa ang keme münchong fahax, oman!

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

1 JUHAN 2:29

Khrista a otsao changpu le hünzome tsingpu; idaile chem supuix Ija mokkyabu a Zang susabu changpu le hünzome awan angkya changle.

EFISIA 1:3

Kem Jowanpa Jisu Khrista Hopa Zang ang keme münchong fahax! Chemthüikoxle Khrista füikya kem notom ma, zangkang tingsho mohiman kem ang koxle chixe kem to mohimandaoa.

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

EFISIA 3:20

Chix owae kem ang zong mwot makhange keme ju-lomkya chichangba ajang apangkya thak to moktsuak angkya tüipuix,

EFISIA 1:17

Üntoxle hünzome chix awan angkya kuxma, kem Jowanpa Jisu Khrista Zang, fuazangkya Hopa ma, hünzom jetüi hwonlangkyabu ang achang fa angkya ilaxle ngaile aho angkya chasa laxhüi le jupu.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

EFISIA 2:4

Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

JAKOP 1:18

Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

1 KORIN 15:20

Ikoxle otsingtsing a ija changle: Khrista zidaokya chatle azangle zokya changle, idaile zipu le shuile ngokyabuchu azangle zo angkya jao changle.

1 KORIN 13:13

Ipongma mongong, monghom ilaxle mongkün ma akiaüi; ilaxle ibu khama akhokya a mongkün changpu.

1 JUHAN 3:9

Zang jaopo chix ma ngoün koxle, owa Zang Hosa changlaxpuix, chixe ochax lyenle münngo; üntoxle Zang chix Hopa changün koxle, chixe ochax lyenle ngo ang müntho.

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

ROM NOK HATO ZAKYA POL LAIZA 8:24

Chemthüikoxle kem khosünkya a monghom makhange; ikoxlechu keme monghom jangngün dao thüiba, ija a monghom tsingtsing münchang. Chemthüikoxle ma mike ngün ang kopkya to owae monghom tüi?

ROM NOK HATO ZAKYA POL LAIZA 8:11

Zang Chasa, owae Jisu chatle azang ang koxpuix, chix nang ma jangngo thüikoxle, chix Chasa nang ma ngo ang koxkya tokhange, owae zidaokya Khrista chatle azünpuix, chixe ziün angkya nang tsangtsa angchu tsün khüzün koxüi.

JUHAN 1:13

Hwom a zangjang khünak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

ISAIA 26:19

Ziünkya kem khünakbu tamchatle azangüi! Hwom tsangtsa azangle chatüi. Hwom opang zukting ma jiple ngotüipuix ibu zolaxle mongmüile tsai ngaoüi. Nyenti atsitle saikyae chemle chaxwantok azün ang tompuix, ija ningle Jowanpae kaiwüi zile ngoünkyabu azün ang tomüi.

1 JUHAN 5:18

Zang susa owaechu ochax lyenle münngo le keme awanpu, chemthüikoxle Zang Hosae chix sünle thomle, ilaxle haxshixe chix to thomzün ang müntho.

1 JUHAN 5:1

Jisu Khrista to Messaiah changpu le ongkya mix a Zang susa changle; üntoxle Hopa to mongkünkya mixe Hosa tochu mongkünle.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

ROM NOK HATO ZAKYA POL LAIZA 4:25

Kem ochaxbu khoma chix zi ang kox, üntoxle Zang füi kem mua amüi ang chix chatle azün.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

MÜNCHUAK-TSAI 41:13

Jowanpa, Israel nok Zang achuak-achenle changkox! Athax üntoxle othuithuima chix achuakkox! Amen! Amen!

1 PUKAX-PANGAO 29:20

Ifüima Dawid-e khünaknu ang kaxtom kox: “Jowanpa, hünzom Zang achuak kox!” Ilaxle asoxle tüikya noknusae Zang achuak üntoxle hwome akhuxlaxle Jowanpa achuak-achen tamchu wanghompa ang chazakya aho.

1 WANGHOMBU 8:15

Chixe thüi: “Jowanpa, Israel nok Zang achuak kox! Chixe apa Dawid füi,

1 JUHAN 4:7

Ku mongkün tüinaohom, tata to mong akünle tüilax, chemthüikoxle mongkün a Zang tokhange hüikya changle. Owae mongkün puix ija a Zang susa changle üntoxle chixe Zang tsingpu.

1 THESALONIKA 4:13

Ku tüinaohom, monghom chitüikyabu ningle hünzom angchu mongtsik mongmakya chitüi angkya kuxma, ziünkyabu bama otsingtsing hünzome awan koxle müisele kwome texpu.

GALATIA 6:16

Tsün ma ija wanlom tole hüikyabu hanpakma, mongsom ilaxle chingcha hwom füi naxtüi; hwom füi tomle tamchu Zang khünaknu pang füi wüi naxtüi!

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

1 PITAR 1:13

Idaile mok angkya hanpakma hünzom kün-mong achwonlax. Mik-hingle ngolax üntoxle Jisu Khrista ngaikya zuma hünzom ang fa angkya mohiman to hünzom ang monghomkya tüilax.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 PITAR 3:5

Chemthüikoxle kaipongma otsao mixchabue, Zang to monghomkya füi, ma kakopabu fangto puinai le, hwome ma sün amüi ang tom.

1 PITAR 3:15

Ikoxchu hünzom mongtsang ma, Khrista a Jowanpa changpu le achuak achenkya tüilax. Hünzom ma tüikya monghom bama owawae kaxtik-ngaoshokya jangtüiba, chix kax to lan ang othuithuima achwonle ngolax.

2 PUKAX-PANGAO 31:8

Chemtue Hezekiah hia chix nguakax-wangkhobue athünle thomkya hinghobu ngünle laxpuix, hwome Jowanpa tamchu Israel khünakbu achuak.