1 PITAR 1:1 - OTSAO BAIBEL (BSI)

¹ Jisu Khrista wangshem Pitar tokhange: Pontas, Galatia, Kapadosia, Asia üntoxle Bithinia haxtokbu to püntüibu ningle chiakle tüikya Zange zünle kopkya khünaknu hato.

1 PITAR 1:1 ပူးပေါင်းရင်းမြစ်များ

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

IBRI 11:13

Ibu khünak pangwüi mongong ma zi, Zang kaxtsaobu hwome chikop tox, ikoxlechu ochu tokhange hwome ibu ngünle lax üntoxle pongle kop, üntoxle ngaitho le chaxwannu ma hwom püntüi tamchu mixnokbu changpu le hwome lax.

EFISIA 2:19

Athax a, hünzom mixnokbu a püntüi le münchang; athax hünzom a Zang khünaknu füi nokpu tuita ilaxle Zang homkha ma kako tuita changle.

MÜNCHUAK-TSAI 44:11

Nange kwom chun langkya ningle lang ang tompu; nange kwom mix chaxwanbu to chiakle asampu.

WANGSHEMBU MWOT 8:4

Afale paokya mongongmixbu pangnu khato wüi kaxho apuk le hwon-ano le pao.

JUHAN 11:52

Tamchu hwom tata bama le chichangle, chiakle tüikya Zangsu Zangsabu afox-azoxle tuita ang achang angkya kuxmale, Zange chix ile fyetle angao.

MATHI 24:22

Ikoxlechu Zange hanpak owüiole amox daoa; ile chichang thüikoxle, owachu ozün ma ngo angkya chitüise. Chixe kamle kopdaokya khünaknu hanpakmale Zange hanpak amox angkya changle.

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

ESTAR 3:8

Ikhoma Haman-e wanghompa füi akax: “Nang chaxwan zangfang angkya wangtsak ting pangnu khato chiakle tuita jat-li tüile. Hwome mix füi ajüikya wanlombu twonle. Tamtai lechu hwome kem chaxwan angkya wanlombu kax ma münlax, ikhoma ibu ngo ang tomkya ma nang ang olüi chemchu müntüi.

TSAITONG-KAXTONG 28:64

“Haxtua-zangnam kaochi makhange kaochi kople, chaxwannu okhui apongle, Jowanpae hünzom pangnu jat-libu khato chiakle asamüi.

TSAITONG-KAXTONG 4:27

Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

EFISIA 2:12

Ija pongma hünzom Khrista füi janle tüikya. Hünzom a mixnok ilaxle zünle kopkyabu khama chiwom. Zange chix khünaknu ang fakya kaxtsao Tsaotsüt hünzom zongto chem mwot ang chichang, üntoxle hünzom ija chaxwannu ma monghomkya chemchu chitüi tamchu Zang chilax homtoxle ngokya.

2 KORIN 1:8

Asia haxtok ma kwome apong daokya thangnak bama kwome hünzom hama tamchatle wünse tsupu. Kwom ang alikle koxkya hünlix a huanu tamchu lixkya changkya ilaxle chatle ozün ma ngo ang kopüi le monghomkya kwom ma ojao chitüile mongmax.

WANGSHEMBU MWOT 18:2

Ikhato chixe chongwangpa Klaodia-e Jehudi khünak nok wüi Rom haxtok angkya paoüno le kax koxle thomkya khoma, hokakonu Prisila koplaxle chwonchwonle Itali tokya nguikya Akuila apong. Chix a Pontas ma puxkya mixsün tuita changkya. Pol-e hwom hom ngün ang pao

EZEKEL 6:8

“Kue züizüi changlo fang ma lamse azangle pao ang tomüi ilaxle hwom a pangnu khato chiakle sam ang tomüi.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

2 TIMOTHI 1:15

Asia haxtok angkya Faigilo ilaxle Hamogini bue to lünle pangnusae wüi ku chilaxle awütkya nange awan ngopu.

GALATIA 1:2

Ikhato tüikya tüinaohom pangnu, Galatia angkya müimüithombu hato salam akat ang ku füi tomle hakle tüile.

1 KORIN 16:19

Asia haxtok ma tüikya müimüithombue hünzom hato salam fale; Akuila hia Prisila tamchu hwom hom ma asoxkya müimüithome hünzom ang khristan mongkün salam fale.

WANGSHEMBU MWOT 19:10

Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

WANGSHEMBU MWOT 18:23

Ikhato hidaole nui ilaxle chix achex. Mongong mixbu zong adün le chix Galatia hia Frigia haxtok akaile le.

WANGSHEMBU MWOT 6:9

Ikoxle züizüi chix füi apüi ang süt; hwom a da ang ngokya dandaokyabu sinagok ma mün tüikyabu changkya (hwome nyakkya ningle), ilaxle ikhama Sirini hia Alekjendria tokya Jehudi khünakbuchu wüi tüikya. Hwom bomachu Silisia hia Asia tokya mama Jehudi khünakbue Stefen füi kax ma alat ang süt.

JUHAN 7:35

Jehudi nok pünpa-chongwangbue tata füi zangwünle akax: “Keme atak ang chitsuak angkya khato ija mixsün ojong to pao ang thüitüi puixsi? Kem khünakbu ngokya Grik tingnubu to paolaxle Grik nokbu hatochu anwot-ano ang thüipia?

MATHI 10:2

Ibu bün anyi mün a ile changpu: Owang angkya Simon, owa ang Pitar lechu wüi nyak; chix honao Andriw; Zebedi sasün Jakop hia honao Juhan nyi;

MATHI 4:18

Jisu Galili Shinthuk-titung kax to ahamle ngopongma, Simon owa ang Pitar le nyak, ilaxle honao Andriw, jinu khato sha thuple nyax kople ngokya chixe ngün. Hwom a nyaxlwot mixbu changkya.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

TSAITONG-KAXTONG 32:26

Kue hwom a komkaile olithu ang tomse, ikoxtix owaechu hwom texle atak angkya chitüiüi.

KAXHO MÜIKYA LUK 18:7

Üntoxle Zange zünle kopkyabu opange hwom to asunhüile zangnak zangngai chix nyakle akhongle ngopuix, chixe hwom khosele kaxfün münfaüi hia? Üntoxle hwom khosele kaxfün ang shen ngoüi hia?