1 KORIN 9:5 - OTSAO BAIBEL (BSI)

⁵ Wangshem mamabu ilaxle Jowanpa ma tüinaohom ilaxle Pitar hwom ningle, ku füi tomle khristan kakonu tuita ku füito laxlaxle aham angkya mongtex pankya ku ang a müntüi hia?

1 KORIN 9:5 ပူးပေါင်းရင်းမြစ်များ

JUHAN 1:42

Ifüima Simon Jisu hato apüi. Jisu-e chix to hulaxle thüi: “Nang a Juhan sasün Simon; nang ang Kefa le nyaküi.” (Ija a Pitar mün long changpu le thüikya tha).

MATHI 8:14

Ifüima Jisu Pitar hwom hom to ngui. Üntoxle chixe Pitar honyenu tundün kak kakle lya ma shuile ngokya ngün.

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

GALATIA 1:19

Jowanpa honao Jakop boma kue mama wangshembu owachu chingün.

1 KORIN 7:39

Kakonu tuita, ma kakopa ozün ma tüitanto mix ma ating anok angkya olom müntüi. Hokakopa zikoxle, she-e akün-alualua ma ating anokle chang ang thoüi, bachutix ijachu khristan tuiju nasom olom ma tix wüi chang angkya oli changle.

1 KORIN 7:7

Tamthüt koxle, hünzom pangnu wüi ku ningle namchangbae le kue texpu. Ikoxlechu ata ang lita ata ang lita le nok-nok ang wüi Zang hingho tüipu.

WANGSHEMBU MWOT 1:14

Shekobu hia Jisu honu Meri tamchu hotüi honaohom füi notom tuita zingle hwom onoxnox ma zangjop ang asox.

TITA 1:6

Lompa tuita ma ofwot chitüi angkya oli; chix ang kakonu tuita wüi tüi angkya oli, chix naosombu a zongzanle tamchu kax ma chilaxle tüikya mowün oma chitüi homle mongong khünak changkoxle müiüi.

1 TIMOTHI 5:2

azunu to manu ningle, ilaxle naochabu to mana manao ningle, küntsao mongthakya füi hume kox.

1 TIMOTHI 3:2

Müimüithom lompa tuita a thaikya kha chitüi le chang angkya oli: Chix a kakonu tuita wüi tüikoxle müiüi, tamchu tok-nga le chichang homtoxle malailai to akumathumkya ilaxle thutle saxmok ang awankya mix changkoxle müi angkya oli changle; chixe ma hom ma mixwün pongle kop angkya changle; chixe anwot-ano ang awan angkya changle;

1 KORIN 7:15

Ikoxlechu mongong chitüikya shekoe chichangba lükae khristan tsün ma ma kako dantoxse jangtsu, ile chang ang laxkox. Khristan tsün ma ma kako, kakopa wüi changlax chichangba kakonu wüi changlax, ile mok ang abaxkya müntüi. Zange hünzom mongsom ma ngo ang nyakpu.

1 KORIN 1:12

Ku kax a ija changle: Hünzom noke wüi malom lom to akaxle. Tutae thüi: “Kue Pol man topu” atae thüi: “Kue Apolo man topu” mama mixe thüi: “Kue Pitar man topu”; chatlechu mama mixe thüi: “Kue Jisu man topu.”

ROM NOK HATO ZAKYA POL LAIZA 16:1

Sankria müimüithom ma thothanu Fuibe a müikya mixcha tuita changle le kue hünzom hama apuase texpu.

JUHAN 2:12

Ifüima chix honao hia honu hwom tamchu wangshembu füi tomle chix Kaparnaum to ju. Ikhato hwom hanpak hidaole nui.

KAXHO MÜIKYA LUK 6:15

Mathi hia Thoma nyi; Alfa hia Jakop nyi; üntoxle Simon (owa ang Patriot le nyak);

MARK 6:3

Chix a Meri sasün tamchu Jakop, Jusep, Juda hia Simon hwom hotüi, tuita zingpa münchangkox hia?” Ilaxle hwome chix pongle chikop.

MARK 1:30

Iponge Simon honyenu tundün kak kakle lya ma jiple tüikya. Chix nguikya füi tomle hwome she bama chix hama wün.

MATHI 13:55

Chix a zingpa sasün münchang kox hia? Chix honu ang Meri le amünkya münchang kox hia? Jakop, Simon, Jusep hia Juda hwom a chix honao hwom münchang kox hia?

TSAITAX-NGAONÜI 4:12

Ku mongkün, ku tuinu a, haxdop tokya küisa tong changle, zün zailaxle tukthomkya küisatong, süile khokya aka longja lua;

1 TIMOTHI 4:3

Iningkya khünakbue aju-asomkya hia züizüi sütli sax angkya thaikya ang changüi le anwot-ano. Ikoxle ibu sütli lingli a, chix to mongongkya tamchu otsingtsing awan ang kopdaokyabue, münchong fale zangjop laxle sax angkya hanpakma Zange zingkyabu changle.

1 KORIN 7:8

Kako matankya hia zomnubu ang ku ningle ngokya wüi amüikya changpu le kue thüipu.

KAXHO MÜIKYA LUK 8:20

Mixhuak tuitae Jisu ang thüi: “Hünnu hia hünnao hwom homtho to ajong ngole, hwome nang füi apongse le ta.”