1 KORIN 9:23 - OTSAO BAIBEL (BSI)

²³ Ija mohiman süntswon ang kop angkya kuxma, kue ibu pangnu wüi Kaxho Müikya hanpakmale mokpu.

1 KORIN 9:23 ပူးပေါင်းရင်းမြစ်များ

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

MARK 8:35

Chemthüikoxle opangsae ma khüzün azünse tsuüi hex, hwome ija amütüi; ikoxle opange ku tamchu ku kaxho bama ma khüzün amüt laxüi hex, hwome ija sünle kopüi.

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

GALATIA 2:5

Hwome kwom da ang achangse tsu, ikoxlechu Kaxho Müikya Otsingtsing hünzom hanpakma sünle thom angkya bama, hwom zangwün to na ojao chitha.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

2 TIMOTHI 2:6

Manzai mix owae azongle mokdao laxpuix, owang angkya puamün süntswon angkya chix chang angkya oli.

2 KORIN 2:4

Kue ija laiza pongma ku ang mong ojao chimüi ilaxle ku mongsik ngünle sop ngokya; ku mongtex a hünzom mong naxma le chichangle kue hünzom pang towüi obukuxle künpuix, hünzome ija tsingle naxlaxlax le texkya changpu.

1 KORIN 9:12

Mamabue ngaxchu hünzom bama hwom ang mongtex pangkya süntom tüile le thüi ang jangtsuak thüikoxle, ikhato kwom sisie münthüi tsuaküi hexnyi? Ikoxlechu kwome ija mongtex pankya müntwon. Itülüi, khrista hanpakma Kaxho Müikya apuk-apuakya olom to poxpyen angkya chitüi angkya bama kwome pangnusa adupu.

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

ROM NOK HATO ZAKYA POL LAIZA 11:17

Küithwom le alaikya Olip pün angkya okangsabu züizüi pakle awüt, ilaxle fao olip pünkang ija füi asople kox. Hünzom mixnokbu a ija fao olip pün thatha changpu; ilaxle athax hünzome Jehudi nok tsün ma ahak-aluakya hia otsak ozong ahanle lax ngopu.

1 KORIN 9:22

Shonaikyabu khato ku, hwom khristan ang achang angkya kuxma, shonai le maxkya mix tuita ang achangpu. Owawa thüingaxchu sünle tsuak angkya kuxma, ku nok khato pangnu li ang achangpu.

1 KORIN 9:24

Azikzik pangnuwüi zik ma apanpu, ikoxle hingho tuitae wüi kople le hünzome münawan hexnyi? Jangchang thüiba nange ija hingho kop ang thole ole zikkox.