1 KORIN 9:16 - OTSAO BAIBEL (BSI)

¹⁶ Kaxho Müikya apuk-apuakya bama hexle ku bong-chong angkya müntüi. Chemthüikoxle ku a ile moklaxo lekya kaxtom fangma ngopu. Ilaxle Kaxho Müikya apuk-apuakya chitüi thüikoxle wüi ku a maxsaxpu!

1 KORIN 9:16 ပူးပေါင်းရင်းမြစ်များ

ROM NOK HATO ZAKYA POL LAIZA 1:14

Chemthüikoxle ku ma, tsuak mankya hia chitsuak chimankya nok hanpakma, ilaxle manngünkya hia chiman chingünkya pangnu hanpakma thashe tüile.

KOLOSI 4:17

Üntoxle “Jowanpa ma nang ang fakya mwot tsuak ang ole thüilax”, le Arkipa ang thüikox.

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

KAXHO MÜIKYA LUK 9:62

Jisu-e chix ang thüi: “Khünake hanbai ang sütfüima füichi to aküile hukya mix Zang Wangting hanpakma mwot münthap”.

WANGSHEMBU MWOT 4:20

Chemthüikoxle kwome ngündaokya hia atat daokya mo chiwün homle zak ang müntho.”

AMOS 3:8

Chemtue mailang ahungle changüihex, chizale owa ngothoüi? Chemtue khüthak Jowanpae zangwünle changüihex, ija kaxho chingaile owae mongto thom ang thoüi?

ROM NOK HATO ZAKYA POL LAIZA 15:17

Idaile Khrista füi notom laxle Zang bama kue mwottho thakya bama ku ngam ang tsuaküi.

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

WANGSHEMBU MWOT 9:6

ikoxlechu nang zolax üntoxle tingkhua to donglax; ikhato nange chemle moküi hex ija owawae apuale faüihex”, le ija kaxzinge thüi.

ROM NOK HATO ZAKYA POL LAIZA 4:2

Chixe mokkya mwote chix Zang füi muamüikya jangchangba, chix ang tsaichong-kaxbong angkya lita thüichu tüise. Ikoxlechu Zang thüntho ma chix tsaichong-kaxbong ang chitho.

AMOS 7:15

Chunnyetpa ang ngokya ku Jowanpae sele laxpu ilaxle chix khünaknu Israel bama ajele kox angkya chixe ku tsanpu.

ISAIA 6:5

Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

JEREMIA 20:7

Jowanpa, nange ku dyendaoa, ilaxle ku a dyendaoa. Nang aku füi sütsak-süzongpu ilaxle nange ku towüi lütdaoa. Noknusae ku chanyi-wanjai; nyixtungtale hwome ku chanyi.

JEREMIA 1:17

Achwonlax, Jeremia; paokox ilaxle kue nang ang akax angkya kaxtom fale tüikya hwom hama pangwüi akaxkox. Athax hwom thua zale taxngo, chichangba nang hwom füi ngole tüipongma kue nang sisi mix zale chang ang tomüi.

1 SAMUEL 12:23

Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

1 KORIN 4:15

Khrista ma hünzom lompabu tüihu koxlax, ikoxlechu hünzom ang hopa obiobi müntüi. Chemthüikoxle Kaxho Müikya tokhange Khrista ma ku hünzom hopa ang achangüna.

1 KORIN 9:12

Mamabue ngaxchu hünzom bama hwom ang mongtex pangkya süntom tüile le thüi ang jangtsuak thüikoxle, ikhato kwom sisie münthüi tsuaküi hexnyi? Ikoxlechu kwome ija mongtex pankya müntwon. Itülüi, khrista hanpakma Kaxho Müikya apuk-apuakya olom to poxpyen angkya chitüi angkya bama kwome pangnusa adupu.

1 KORIN 9:14

Ilailaile kem Kaxho Müikya apukkyabue Kaxho Müikya ma hwom ozün ma ngo angkya atak angkya Jowanpa kaxtom changle.

2 KORIN 2:12

Khrista bama Kaxho Müikya apuk-apua ang ku Troas to nguikya zuma, kue ikhato chix mwot otua ma süt tsuak angkya hanpakma, Jowanpa-e ku ang lom zangle bang.

MATHI 25:16

Ima wüi jat aga ngun kopkya mix pao; ija füi thalex, ilaxle mama hajat aga ngun alap.