1 KORIN 8:12 - OTSAO BAIBEL (BSI)

¹² Ile Khrista ma nang zongma tüinaohom, mongong ma zong matüikya, ibu khangka thomzün ang tomkya a Khrista zongto nang mixe ochax lyenkya ang achangüi.

1 KORIN 8:12 ပူးပေါင်းရင်းမြစ်များ

MATHI 18:6

“Owae ku to mongongkya naosa tuita mong amale ku füi atsai ang koxüi hex; ija khünak a dingkux ma chongkya long fün laxle tikha to dütle maxkya wüi chix hanpakma amüikya.

MATHI 25:45

Wanghome chatle hwom ang thüi: ‘Kue otsingtsing ma hünzom ang thüipu; Hünzome kutüi kunao hixkyabu to chifongkya a ku to chifongkya changpu!’

1 KORIN 12:12

Khrista a omik ochak mafanfan füikya tompo tuita changpu; ile malomlom ocha-ochakbu füi zingle tüikoxlechu ija tompo tuita wüi changle.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

MATHI 18:21

Ifüima Pitar hüilaxle Jisu ma atüi: “Kutüi kunao hwom ang kue thailak obithom ma fatsuak angkya? Othom anüt ma hia?”

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

1 SAMUEL 24:11

Hulax, apa, ija ku chak angkya nang nyitua to hule koplax! Kue nang lang ang tsuakse ikoxlechu isa nyitua zaza zütle laxwüi. Ija ngünlaxle, ku mongto nang zan to kakya chemchu müntüi chichangba nang fün ama ang tungkya ku ma oma chemchu müntüile nange tsingle naxkop. Nange ku a langtom tata lang ang tungle ngopu, ikoxle ile nang mong amakya li oma mwot kue chemchu chimok.

1 SAMUEL 2:25

Khünak tuitae mama mix owawa zongto thaile jangchang, Zang ija khünak khose ang thoüi; ikoxle Jowanpa zongto achaxkya khünak kho owae süntsuaküi?” Jowanpae hwom mik amüt angkya mongzangwünle tsuakdaokoxle hwome hopa kax ma ojao chilax.

LAIPAO 32:21

Chixe Arun ang thüi: “Nange hwom ang itukuxle achax ang tom angkya hwome nang to chemthüi?”

LAIPAO 16:8

Ifüima Mosa-e thüi: “Jowanpae aja hansonge hünzom ang müisax ang koxüi ilaxle ngainop a hünzome chemtukux saxüihexle an koxüi; chemthüikoxle hünzome chix to chemtukux kaxthup-ngaotünle changpuix, chixe atatdaoa. Chemtue hünzome kwom to kaxthup-ngaotünle changpuix, ija a hünzome Jowanpa to kaxthup-ngaotünkya changpu.”

PONGWANG LAIPEX 42:22

Reuben-e thüi: “Kue ija nao to ile taxhwonhax le thüikoxle hünzome ku kax ang kaxle chithüi. Athax a chix mik amütkya olüix keme koppu.”

PONGWANG LAIPEX 20:9

Ifüima Abimelek-e Abraham selaxle atüi: “Nange ija ku to chem hwon? Ku tamchu ku wangting hato thama apüi ang tom angkya kue nang zongto thaikya chem mokdaopu? Nange ku to hwonkya ningle owaechu taxhwon.

MARK 9:42

“Owawae ku to ongkyabu ibu khama ahixkya tuita ngaxchu thaithaxle chang ang koxle jangchang, chix hanpakma, longwun chongkya tuita dingkux ma khak laxle tinu khato fütle dütkya wüi alanta.

KAXHO MÜIKYA LUK 17:2

Ibu hixkyabu khama tuita ngaxchu owae ochax to adüt laxüihex, chix hanpakma dingkux ma long fün laxle tinu khato fütle dütkya wüi amüikya.

ROM NOK HATO ZAKYA POL LAIZA 14:20

Süt khoma hexle Zange tsuakle thomdaokya oli taxama. Sütli pangwüi sax ang tsuak, ikoxle owawa ochax to adütkyali saxlingkya a thaipu.