1 KORIN 8:10 - OTSAO BAIBEL (BSI)

¹⁰ Thütba khangka ma jekho manguikyabu thüntho ma nang jetüi hwonlang daokya mix tuita, chapa shwomkya tsap ma thungle jangngün thüiba; ijae hwom ang chapa ang koxkya fong saxkoxchu chem münchangle zong adünkya tuita ang münachangüi hia?

1 KORIN 8:10 ပူးပေါင်းရင်းမြစ်များ

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

ROM NOK HATO ZAKYA POL LAIZA 14:23

Ikoxle chixe saxkya bama mongto aokya jangtüi, chixe ija saxkya zuma Zange chix thajaole, chemthüikoxle chixe mokkya mwot chix mongong ma athong laxle mokkya chichang. Ilaxle tütalichu mongong ma athong laxle chichang jangthüiba ija a ochax.

1 KORIN 8:7

Ikoxlechu ija noke awankya münchang. Züizüie ami chapa shwomle ngokya asyen laxle iningkya süt saxkya zuma, ija chapa ang koxkya süt changtomtapu le hwome thütle; ile hwom khangka ma chisukya hia sukya süi ang chitho laxle, ija süt makhange hwom chitsaokya ang achangdaoale hwome thütle.

ROM NOK HATO ZAKYA POL LAIZA 14:14

Jowanpa Jisu füi ku motomkyae, chix popo ma chitsaokya oli chemchu müntüile kue lituta awan ang kople; ikoxle khünak tuita tütali tochu müntsaole mong ma jangong dao thüiba ija jali chix hanpakma chitsaokya ang achangle.

AMOS 2:8

Zangshwomnui pangkha towüi khünakbu a, mixshix hia zasabue hwom thashe tsangthom hanpak ang thomkya nyizabu pale laxlaxle ibu awunlaxle jiple. Hwom ang ngun kox angkyabu chak tokya jubu pale lax üntoxle ibu hwome hwom Zang to shwomkya hom ma ling-saxle changle.

KAXFÜNPA-HWOM 9:27

Hwom pangwüi hwom grep haxtok to ka ilaxle grep ziakbu khai, ibu makhange grepti-ju fyet, ilaxle pangpwon sax. Hwome ma baozang shwomkya nui to pao; ikhato hwome saxlingle chang ilaxle Abimelek mo omale wün.

HUAKE LAIPEX 25:2

Ibu shekobue, Moab nok baozang ang tö koxle pangpwon sax pongma ibu khünakbu ahyen. Israel khünak ibue ikhato fongsax ilaxle Peor angkya baozangbu to shwom.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

1 KORIN 8:9

Nang woktex ma moktsuak ang pankya zong twonkyae mongong ma zong aluile chitüikyabu ochax to chiadüt angkya kuxma likhünlax.