1 KORIN 7:5 - OTSAO BAIBEL (BSI)

⁵ Hünkhie noxta bama zangjop hanpak laxhaxle wünle tsuakle lüwüi chichang thüiba, tata zongto taxakhex; ikoxlechu ifüima chatle wüi kakonu kakopa le notomün. Ile chichang thüiningle ma akumathumkya chitüikya tokhange baoe hünkhi thwontsing to adüt ang tsuak.

1 KORIN 7:5 ပူးပေါင်းရင်းမြစ်များ

LAIPAO 19:15

Mosa-e hwom ang thüi: “Hopnyix a zangshwom ang achwonlax ilaxle ibaba ma sheko-lüka tomle jip-pomle taxchang.”

JOEL 2:16

Khünaknu pangwüi ngui ang tomkox; hwom huxsa nguazua hanpakma achwon ang tomkox; Azupi hia azupa hwomchu apüikox; naosom hwomchu asox ang tomkox naolaksabu ngaxchu taxtox. Chwonchwonle kako tankya tuinu-tuipa hwom chuwüi ma homhax toxlaxle ngui angkya changpu.

MATHI 19:11

Jisu-e hwom ang thüi: “ija kax a pangnusa hanpakmale münchang; ikoxle Zange ileo le koxle thomdaokyabu hanpakma changpu.

1 THESALONIKA 3:5

Ikhoma kue Timothi akat angkya laipu. Ku mongto adu ang chitho laxle, hünzom mongong paktik ang kue chix tsanle akatkya changle. Bao-e thwontsing laxle kwom mwot chem angchu chiachangle chang angkya otuechu münfaüi le kwome ongpu.

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

ZEKARIA 7:3

Ilaxle nguapang hwom hia ajebu ma ija kax atüi ang tom: “Kwome zanglao obibi hex mokle hüidaokya ningle, Zangshwom-Hom atsunle amakya bama atsaole zangjop sopkya hanpak laxle hüikya kwome thuithuile mokle le angkya hia chemle changüi?”

LAIPAO 21:10

Ija mixsüne kakonu mama tam-apüile jangchang thüikoxchu, chixe pongwang angkya ma kakonu to tomwüile humele tux-tsom thomüi.

1 KORIN 7:4

Kakonu tuita a she tsangtsa bama hopupa münchang, ikoxle she kakopa tix changpu; ija lailaile, kakopa tuitachu chix tsangtsa bama hopunu münchang, ikoxle chix kakonu tix changpu.

MATHI 17:21

Ikhoma chisax chilingle atsaole zangjopkya etix iningkya jwon ang thoüi; mama chem makhangechu münchang!”