1 KORIN 7:22 - OTSAO BAIBEL (BSI)

²² Chemthüikoxle Jowanpa ma owa da tuita ningle nyakle koplaxpuix, ija khünak a Jowanpa ma woktex ma ngokya mix changpu. Ilailaile Zange chix nyakle kop pongma woktex ma asukya mix a Khrista da tuita changle.

1 KORIN 7:22 ပူးပေါင်းရင်းမြစ်များ

1 PITAR 2:16

Khangkho ngaikya khünakbu ningle ngolax; bachutix hünzom khongai ochax to chwop-khom ang taxtwon, ikoxle Zang zongto dahaibu ningle ngolax.

FILEMON 1:16

Ilaxle athax chix a dahai tuita tata le münchang ikoxle ija süthak le; chix a Khrista ma mongkün tüinao changle. Ku zongto chix tüle sukya changle! Ilaxle ija ningle chix nang zongtochu, tuita dahai le chichangle Jowanpa ma tüinao tuita ang achangle otukux suüihex!

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

GALATIA 5:1

Khangkho ngaile ngo ang Khrista-e kem pandaoa! Idaile pandaokya mix ningle shingmongle ajonghüi, nang tamchatle da ang taxachang.

MÜNCHUAK-TSAI 116:16

Jowanpa, ku a nang dapa changle; anu lailaile kue chuwüi nang thothapu. Ozik-omüt tokya ku nange sünpu.

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

GALATIA 1:10

Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

1 KORIN 9:19

Ku a mongtex ma ngo ang dankya, tuita opupu dachu chichangkya mix; ikoxlechu otsuaktsuak ma khünaknu khristan ang achang angkya hanpakma, ku kulualua to noknu da ang achangpu.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

1 KORIN 7:21

Zange nyak pongma nang da ang ngokya changdaicha? Chem münchang, mong taxma; ikoxle nang woktex ang achang angkya oshua jangtüi thüiba, taxalyet.

1 KORIN 9:21

Ilailaile mixnok khato mokkya zuma, mixnokbu khristan ang achang angkya kuxma, Jehudi nok wanlom fangma chichang homtoxle mixnok tuita ningle ngopu.