1 KORIN 7:17 - OTSAO BAIBEL (BSI)

¹⁷ Pangnusasa wüi, Zange chix nyakle kop pongma chix chemle tüikya hex, ile Zange chix ang hingho koxkya olom ma ngo angkya changle.

1 KORIN 7:17 ပူးပေါင်းရင်းမြစ်များ

1 KORIN 4:17

Ikhoma, kue pangkha towüi, pangnu müimüithom to anwot-anokya ningle, Khrista ma ku tsün khüzün ngole hüikya olombu hünzome mongto texle atakle lax ang kox angkya bama, Jowanpa ma kue mongkünkya hia mongongkya kusa Timothi kue hünzom hato tomle akatpu.

1 KORIN 7:24

Idaile tüinaohom, owa chem chifün ma nyaklaxpuix, chix Zang füi ija chifün ma ngo ang laxkox.

2 KORIN 8:18

Kaxho Müikya apukle mokkya mwottho ma müimüithom pangkha to wüi achuak achenle tüikya tüinao tuitachu chix füi tomle apaopu.

2 KORIN 11:28

Mamabu mo chemwün angkya tüipu, nyixfokya to pangnu müimüithom bama mong ma kakle hwom tuitexkyae ku to sheple thom.

1 KORIN 7:18

Khwonzüt-Zom zingdaokya khünak tuitae Zange nyakkya pongle jangkopdao thüiba, chixe ija khwonzüt daokya janman amüt ang taxazong ngo; khwonzüt zom mazingkya khünake Zange chix nyakkya pongle jangkopdao thüiba, chixe khwonzüt zom zing angkya olom taxlom ngozi.

1 KORIN 7:7

Tamthüt koxle, hünzom pangnu wüi ku ningle namchangbae le kue texpu. Ikoxlechu ata ang lita ata ang lita le nok-nok ang wüi Zang hingho tüipu.

1 KORIN 14:33

Chemthüikoxle kem tupang pün angkya chichangle tumüi le mongsom tüi angkya Zang mongtex changle. Zang khünaknu müimüithom pangnu khato wüi,

MATHI 19:12

Chemthüikoxle khünake kako chitan tsuakkyachu olom-olom tüipu; züizüie hwom puxpong tokhange wüi ileo le puxkya khoma; mamabue, khünake hwom ile zing koxle; ikoxle züizüie a Zang Wangting hanpak ang kako chitan. Ija kax pongle koptsuak angkya mixe tix iningle naxmok kox.”

1 KORIN 16:1

Athax, Jehudi nok Zang khünakbu hanpakma ngunsai angkya bama nange zakya ile changle: Galatia angkya müimüithom füi kue akax daokya ningle nange mok angkya changle.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.

1 KORIN 11:16

Shekobue khang akho angkya zangwün bama owawae ku kax ija changbasu le jangtex thüikoxle kue akax angkya ibibi wüi kwomechu ilaxle Zang müimüithomechu Zang shwom pongma twon angkya changkox a le thüi angkya mama olom müntüi.

1 KORIN 11:34

Owawa ang wok anole jangchangba, hünzom asoxkya zuma Jowanpa-e oma to uakya khato hakkya lima chitüi angkya kuxma, chixe mahom to fongsaxle kopkox. Mama zangwün bama ku tamchatle nguikya zuma tix wünle tsuakhax.

GALATIA 1:22

Iponge Jehudi angkya müimüithom khünakbue ku ahuakle süntsing münwan chitüi.

1 THESALONIKA 2:14

Kutüi kunaohom, Jehudi haxtok angkya müimüithombue thüikoxle Khrista to ongkya khünakbue apongkya sikngün hünzomechu apongpu. Ma khünakbue hünzom to chemle zothupuix ilailaile hwom tochu manok Jehudi khünakbue zothupkya changpu.

2 THESALONIKA 1:4

Ikhoma kwom jao Zang müimüithom khato hünzom bama tsaichong-kaxbongpu.