1 KORIN 7:10 - OTSAO BAIBEL (BSI)

¹⁰ Kako tandaokyabu hanpakma, ma kaxtom le münchang, ikoxle Zang tokhange hüikya kaxtom kue koxpu: Kakonu tuitae kakopa dantox angkya münchang;

1 KORIN 7:10 ပူးပေါင်းရင်းမြစ်များ

MATHI 5:32

Ikoxle athax kue hünzom ang thüipu: Chinunchakkai khomale wüi chichangba, owawae mama-mama khoma ma kakonu fan ang jangtomba, chixe she a tuita chinunchakkai mixcha ang achangpu; ilaxle janle ngopongma owae she laxüi hex, chixe she füi chinunchakkaipu.

KAXHO MÜIKYA LUK 16:18

“Owae ma kakonu apaolaxle mama mixcha laxüihex chixe chinunchakkaipu; üntoxle apaokya mixcha owae laxlaxüihex chixechu chinunchakkaipu.

1 KORIN 7:15

Ikoxlechu mongong chitüikya shekoe chichangba lükae khristan tsün ma ma kako dantoxse jangtsu, ile chang ang laxkox. Khristan tsün ma ma kako, kakopa wüi changlax chichangba kakonu wüi changlax, ile mok ang abaxkya müntüi. Zange hünzom mongsom ma ngo ang nyakpu.

JEREMIA 3:20

Ikoxlechu mongong chithomkya kakonu tuita lailaile, hünzome ku to mongong chithomtsuak. Ku, Jowanpae ija akaxdaoa.”

1 KORIN 7:12

Kue mamabu pangnu ang thüipu (Jowanpa-e münchang ikoxle kue thüipu): Tüinao owawa ang kakonu songsari cha tüi, ilaxle she chix füi wüi ngose le mongtsukya tüi, jangchangba chixe she apao angkya oli münchang.

1 KORIN 7:25

Athax, hünzome zakya kako matankyabu zangwün bama: Jowanpa chitokya kaxtom kuma müntüi, ikoxle Jowanpa chingcha ma mongong tangkya khünak tuita ningle kue ku mongtex fapu.

1 KORIN 7:6

Kue ija kaxtom ningle chichangle dankya tuita ningle akax wüi.

1 KORIN 7:40

Ikoxlechu ku tutex ma she a ating anokle chichangkya wüi sümüi. Ija a ku mongtex, ilaxle kue thütpu, ku machu Zang Chasa tüile.

MARK 10:2

Züizüi farisibu chix hato hüilaxle tsünle atüi: “Lüka tuitae ma kakonu apao angkya wanlom ma chitüitüi puix?”

1 KORIN 7:11

ilaxle she-e ile changkoxlechu, she matata ngo angkya chichangle hokakopa füi chatle muamüi angkya changle; ilaxle kakopaechu ma kakonu apao angkya oli münchang.