1 KORIN 6:9 - OTSAO BAIBEL (BSI)

⁹ Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

1 KORIN 6:9 ပူးပေါင်းရင်းမြစ်များ

LIWI 20:13

Owawae ma lailaikya lükapa füi nganguile jangchang, hokhie zakkop mwot jaojao mokdaoa, ilaxle hokhi pangnyi wüi mik max ang tom angkya oli changpu. Okhi a ma mütkop bama zilaxpu.

LIWI 18:22

Lüka owaechu lüka tomtom füi nganguile taxchang, ijaningkya thua Zang tüle anule.

1 KORIN 6:10

chichangba ahuxkya, osing nüfux, jutok saxngat, adix-ada, pa-lokya, iningkyabu owaechu Zang Wangting mantswon ang münkopüi.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;

1 KORIN 5:10

ile thüikoxle kue songsaribu, opang chinunchakkaile tüipuix, chichangba ahux-alople tüipuix, chichangba osing nüfux füi tüipuix, chichangba opange chapabu to shwom-to puix, ibu pangnu ang thüikya münchang. Hwom füi atsai angkya jangchang thüiningle nang chaxwannu angkya atsai koxtix wüi chichangba.

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

TSAITONG-KAXTONG 22:5

“Shekobue lükabu nyi-za lax angkya olom müntüi, ija ningle lükabuechu shekobu nyi-za lax angkya olom müntüi. Jowanpa hünzom Zang-e iningkya khünak thua anule.

ROM NOK HATO ZAKYA POL LAIZA 1:18

Ochax khünakbu hia chitsaokya khünakbu, chimüikya olome otsingtsing awan ang chikoxle opang abaxpuix, hwom füi Zang mongtsik dongkya zangkangting tokhange julaxle ngaile ahole.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

1 KORIN 3:16

Nang a zangshwom-hom changle ilaxle Zang Chasa nang ma ngole le nange awanchahex?

IBRI 12:16

Ma tüichongpa sünkho saxkhua tuita ang hangle awütkya Esau ningle owachu chasa ma chitsaole taxtüi.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

1 KORIN 5:1

Wünhax thüikoxle, songsari tu ma ngaxchu ile münmok lükya hünzom khama chinunchakkai mwot chisumüi lewüi tüileta. Hünzom khama ma honuchong füi jip-pomkya ku hama wünle.

KAXFÜNPA-HWOM 19:22

Hwom ile nazak müile jiple ngopongkhae allele tinglong ma tüikya chinunchakkaile chichang-chizang mwotma mokle ngokya khünakbue ija hom akhople kop ilaxle kahak to hong. Hwome ija azupa ang thüi: “Nang füi tomle nguikya khünak kwom hato alaihüi! Kwome chix füi chinunchakkaisele tsule!”

TSAITONG-KAXTONG 23:17

“Israel khünak, lüka wüi changlax sheko wüi changlax, owachu zangshwomnui-ma ma tsangtsa hangkya mix ang chiachangüi.

PONGWANG LAIPEX 19:5

Hwome Lot sele alailaxle ataüi: “Aja nang hom ma wünpom ang nguikya mixsün anyi ojong? Okhi ikhato kwom hato alaihüi!” Sodom nok angkya khünakbue hokhi füi sheko-lüka mwot moksele sung.

WANWÜNKAX 22:8

Nange chisukya kaxfün oli saile jangchang, thama nyemle laiüi, ilaxle nange mix to afangle thomkya zakle paoüi.

JAKOP 1:16

Ku mongkün tüinaohom, hünzom dyen-ngan ang taxtom!

1 KORIN 9:24

Azikzik pangnuwüi zik ma apanpu, ikoxle hingho tuitae wüi kople le hünzome münawan hexnyi? Jangchang thüiba nange ija hingho kop ang thole ole zikkox.

MATHI 19:29

Ku hanpakmale opange ma homkha, pasa tüinao, tamchu nanao, manu mapa, masu masa, haxtok homting, ibu danle toxlaxpuix, hwome thom hotae nüile atak angkya changle tamchu oshuk chitüikya tsün khüzünchu fa angkya changle.

ZEKARIA 5:3

Ifüima chixe ku ang thüi: “Ija ma chaxwannu haxtok pangkha towüile angkya othuak-ozom zalaxle tüile. Ija laiza kaochima haxtok angkya ahuxmixbu amüt angkya zale tüile; ilaxle ata kaoma a tsaosax lejao kaxthai zang wünkya khünak pangwüi tswonle paoüi.

WANWÜNKAX 11:1

Tuakthüt müile chitwonkya khünakbu thua Jowanpa anule. Chix a tuakthüt otya ma thomkyabu füi mongmüile.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

LAIPAO 23:1

“Nange kaxthai zangwünbu taxapuk, tamchu mikngün kaxkhi othai koxlaxle chisukya mix to fongle taxchang.

WANGSHEMBU MWOT 24:25

Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.”

LIWI 18:20

Mix kakonu owawa füi chinunchakkaile taxchang; ile chang koxle nang zomlom ma chitsaokya ang achangüi.

TSAITONG-KAXTONG 22:22

“Lüka tuita mix kakonu füi nganguile ngokya janglop, hokhi pangnyi wüi long füi thuple lang angkya changle. Ile hünzom a iningkya ochax füi atsaile ngo ang thoüi.

WANWÜNKAX 7:27

Nang she hom to nguile jangchang thüiningle, nang a amalum lom chitole ngokya changpu. Ija a mikmüt hanpakma hexlom changpu.

EZEKEL 18:11

ilaxle taxmokle atsaokya chapa shwomnui to koxkya töbu chixe sax ilaxle mix kakonubu füi nganguile chang,

KAXHO MÜIKYA LUK 21:8

Ikoxle Jisu-e thüi: “Hünzom chichang-chizang lom to zunle chipao angkya bama khünlax. ‘Ku chix changpu, üntoxle hanpak chwonüna’ lükya zangwün füi khünaknu hüiüi. Ikoxlechu ibu füito taxazui.

WANGSHEMBU MWOT 20:32

“Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.

1 KORIN 5:11

Ikoxle kue akaxkya kax a ija changle: Owawae tüi-hi-nao changpu le thüilaxle chinunchakkai, osing nüfux, chapa shwomkya, chakmok janlang, jutok saxngat, ohux-otse, iningkyabu füi awonle ngokyabu ang thüiwüi. Hwom füi tomle thung laxle saxlingle jao taxchang.

1 KORIN 6:18

Chinunchakkai füi atsaiün. Khünake achaxkya ochax mama tütaliechu tsangtsa to münpo; ikoxle khünak owae chinunchakkai ma thailaxüihex, chixe ma tsangtsa zongto achaxkya changpu.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

GALATIA 6:7

Alüile ma kho taxhang; Zang a owaechu dyen ang müntho. Khünak tuitae chixe chem küile thomlax puix ija oziak tix khaiüi.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

1 JUHAN 3:7

Kuli-kunaohom, owa angchu nang ochei lom to zunle pao ang taxtom! Khrista chemle otsao hex ija ningle sukya mwot mokkyabuchu wüi otsao changle.