1 KORIN 6:3 - OTSAO BAIBEL (BSI)

³ Ija tsün sütmwot bama tomning wünngo angkya fang jao münchang, keme kaxtaimixbu ang to apüile kaxfün fa angkya hünzome münawan hia?

1 KORIN 6:3 ပူးပေါင်းရင်းမြစ်များ

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

1 KORIN 6:4

Ilaxle iningkya zangwün hünzom khama janglai thüikoxle, müimüithom ma mün ngax chitüikyabu ang wün ang koxüi hia?

KAXHO MÜIKYA LUK 8:14

Fum khato dütkya tsaxtsangbu a; Zang Kax atatlaxle ngokyabu; ikoxlechu künthang mongdang üntoxle okop olwot tamchu chaxwannu mongmüi akhople hüilaxle hwom to alum, ilaxle hwom oziak otuechu mün ang chifa.

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

2 TIMOTHI 2:4

Mwot ma zünpünpünkya süpahi tuitae ma thakma tüichong ang ngokya alixachong mong amüise tsuüi, idaile zangjang khünaknu füi afyet awutle saxmok le chichangüi.

2 PITAR 2:4

Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

MÜNCHUAK-TSAI 17:14

Ija chaxwannu tsün ma laxsese komle tüikyabu chak tokya ku khosünle thomkox. Hwom hanpak ang athünle thomkya zothup füi hwom to sikangünkox; hwom sasün hwom hanpakma nguizuile naxtüi, üntoxle hwom susün hwom hanpak angchu ota tüile naxchang kox!

DANEL 7:22

Ifüima othuithuima ozün ma ngokya mix ngui ilaxle Khüthak Zang khünaknu chima sele kaxfün kaxzakdünle akax.

ROM NOK HATO ZAKYA POL LAIZA 6:16

Hünzome ma alüile da ang owawa chak to otue danüi hex, nange owa kax ma laxle ngopuix, nang a chix da jaojao ang achangpu: oja khoma zi angkya laipuix; ija ochax dawüi changlax chichangba Zang füi muamüi ang koxkya, Zang kax ma laxkya da ang wüi changlax.

1 KORIN 6:15

Khrista tsangtsa ma nang tsangtsachu olom tuita changpu le nange münawan hia? Ikoxle Khrista tsangtsa angkya olom tuita laxlaxle kue Ija tsahang tsangtsa ma olom tuita ang achangüi hia? Ile otuechu münchang!

1 KORIN 6:16

Tsahangcha füi asüikya mix, ija mixcha füi tsangtsa tuita ang achangkya nange münawan hia? Chemthüikoxle ija zale tüile: “Okhi anyi a müitom tuita ang achangüi.”

1 KORIN 6:19

Nange tsangtsa a, nange Zang tokhange kopkya, nang mong ma tüikya Otsao Chasa zangshwom-hom changpu le nange münawan hexnyi? Nang a nang kux münchang;