1 KORIN 6:12 - OTSAO BAIBEL (BSI)

¹² Owawae thüiüi: “Kue tüta ningkyachu mok ang tsuaküile dankya tüile.” Changle, ikoxle nang hanpakma pangnu li omüimüi wüile münchang. Ku angchu pangnu li moktsuak angkya danle tüile le kue thüi ang tsuaküi, ikoxle kue tütali angchu ku ija da ang achang ang münfaüi.

1 KORIN 6:12 ပူးပေါင်းရင်းမြစ်များ

1 KORIN 9:27

Ile mix hato apua anolaxle mawüi thaile nakbang le kue ku tsangtsa to chakthome tople atsak laxle akumathum ang tsuakpu.

2 THESALONIKA 3:9

Kwome ija, kwom to fong hüile thüi angkya olom müntüile mokkya chichang; kwome ija tuita hünzome anole kop angkya olom tuita ang naxchangle mokpu.

JUD LAIZA 1:12

Hünzom fongsüt ma thünzak chitüikya ibu a tuita zamake lyetle amakya ningle changle. Hwome küithole hwom mo alüile wünwüi. Hwom a, zangwat ang chikox homtoxle zangwine jeple aham thomkya zangfwombu changle. Ziaktue ngaxchu chiziakkya, otsing makhange hedaokya tamchu owüiole zidaokya pün a hwom changle.

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

ROM NOK HATO ZAKYA POL LAIZA 7:14

Keme wanlom a otsao changpu le awanle; ikoxle ku a ziün angkya khünak, ochax da ang hang daokya mix tuita changle.

1 KORIN 9:12

Mamabue ngaxchu hünzom bama hwom ang mongtex pangkya süntom tüile le thüi ang jangtsuak thüikoxle, ikhato kwom sisie münthüi tsuaküi hexnyi? Ikoxlechu kwome ija mongtex pankya müntwon. Itülüi, khrista hanpakma Kaxho Müikya apuk-apuakya olom to poxpyen angkya chitüi angkya bama kwome pangnusa adupu.

JUHAN 5:10

Ija khoma Jehudi nok pünpa-chongwangbue kak müikya mixsün ang thüi: “Anyix a nazak nyix changle, Idaile nange nang lya pai angkya kem wanlom füi apüikya mwot changpu.”

LIWI 15:18

Sheko hia lüka nyi apongle mwot tsuakkya füima, hokhi pangnyie wüi ti-ajoüi ilaxle hansong kople chitsaokya ang ngoüi.