1 KORIN 4:17 - OTSAO BAIBEL (BSI)

¹⁷ Ikhoma, kue pangkha towüi, pangnu müimüithom to anwot-anokya ningle, Khrista ma ku tsün khüzün ngole hüikya olombu hünzome mongto texle atakle lax ang kox angkya bama, Jowanpa ma kue mongkünkya hia mongongkya kusa Timothi kue hünzom hato tomle akatpu.

1 KORIN 4:17 ပူးပေါင်းရင်းမြစ်များ

1 TIMOTHI 1:2

Mongong ma kusa tomtata, Timothi hato: Hopa Zang ilaxle kem Jowanpa Jisu Khrista-e nang ang chingchajaja üntoxle mongsom naxfa hüi.

1 KORIN 16:10

Hünzom hato Timothi jangngui thüiningle, chix wünpwonle pongkopkya chitüi laxma, chemthüikoxle chixchu wüi ku ningle Jowanpa mwot mokle ngokya mix tuita changle.

1 KORIN 7:17

Pangnusasa wüi, Zange chix nyakle kop pongma chix chemle tüikya hex, ile Zange chix ang hingho koxkya olom ma ngo angkya changle.

2 TIMOTHI 1:2

Mongkün kusa Timothi hato: Hopa Zang üntoxle kem Jowanpa Jisu Khrista-e nang ang, chingchajaja ilaxle mongsom naxfa.

1 KORIN 16:1

Athax, Jehudi nok Zang khünakbu hanpakma ngunsai angkya bama nange zakya ile changle: Galatia angkya müimüithom füi kue akax daokya ningle nange mok angkya changle.

1 KORIN 14:33

Chemthüikoxle kem tupang pün angkya chichangle tumüi le mongsom tüi angkya Zang mongtex changle. Zang khünaknu müimüithom pangnu khato wüi,

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

1 KORIN 11:2

Othuithuima ku texle atakkya üntoxle kue hünzom ang fakya hwon-nwot olom tole ngokya khoma kue hünzom achuakpu.

1 KORIN 7:25

Athax, hünzome zakya kako matankyabu zangwün bama: Jowanpa chitokya kaxtom kuma müntüi, ikoxle Jowanpa chingcha ma mongong tangkya khünak tuita ningle kue ku mongtex fapu.

MIKNGÜN-OHÜN 2:13

Haxshix wanghom ngwotnui tüikya khato nang ngokya kue awanle. Haxshix ngwotnui to, kue tüle ongle tüikya Antipas lang pongma ngaxchu nange ku to ongkya danle chitox, ikoxle nang a ku zongto sule ngo.

2 TIMOTHI 3:10

Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

2 TIMOTHI 2:2

Khünak obiobi thüntho ma nange atatle kue apuk-apuakya hwon-nwot koplax, ilaxle mae mongongkyabu opange mamabu hatochu anwot-ano ang thoüihex, ibu ang ija mokle pao ang laxkox.

KOLOSI 4:9

Chix füi tomle Onesima, mongkünkya tamchu mongong füikya tüinao tuita, owa hünzom othom kha angkya changlaxpuix, chix azuile tüile. Ikhato chemle tüilaxpuix ibu hokhie hünzom hama wünüi.

KOLOSI 1:7

Hünzom hato ija Kaxho Müikya apüile koxkya mix a, kwome tamnüile mongkünkya kwom üitho Epafra changle. Chix a ikhato hünzom lüix ma kwom to fongkya mix, Jisu Khrista mongong da tuita changle.

FILIPI 2:19

Jowanpa mongtex jangchang thüikoxle, kue chwonle wüi hünzom hato Timothi akat ang thoüile monghompu; ikoxletix hünzom bama kaxho atatkya tokhange ku ang mongchyen tüiüi.

EFISIA 6:21

Ku chemle ngotüilaxpuix ija opaktikle hünzom hama, ku bama, kem tüinao ibomachu Jowanpa mwottho ma mongao chitüikya da tuita, Taikhika e hünzom hama naxwün fa.

1 KORIN 11:16

Shekobue khang akho angkya zangwün bama owawae ku kax ija changbasu le jangtex thüikoxle kue akax angkya ibibi wüi kwomechu ilaxle Zang müimüithomechu Zang shwom pongma twon angkya changkox a le thüi angkya mama olom müntüi.

1 KORIN 4:15

Khrista ma hünzom lompabu tüihu koxlax, ikoxlechu hünzom ang hopa obiobi müntüi. Chemthüikoxle Kaxho Müikya tokhange Khrista ma ku hünzom hopa ang achangüna.

MATHI 25:23

Opunue chix ang thüi: ‘Müidaoa! Nang müikya tamchu mongong tüikya da changle. Nange ngun hidaole twon ang koxkya otwon manle twondaoa; idaile kue nang ang süluikya twon angkya mwot faüi. Oman, donglax ilaxle ku mongmüi süntswon ma womlax!’

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

MATHI 24:45

“Jangchangba mongong hia hwon-je füi tüikya da owa? Opunue mama dabu ang otu thütle süt fa angkya mwot koxle thomkya da a chix changpu.

WANWÜNKAX 13:17

Ong angkya chitüikya kaxhomixe tingtui adünle, ikoxle mongong tüitsuakkya khünakbue mongsom apüile.

HUAKE LAIPEX 12:7

Ikoxle kue chemtue ku dapa Mosa füi zangwünpuix, ija a chixlili changpu; kue chix ang ku khünaknu Israel nok to hume angkya hünlit koxle thompu.

1 KORIN 4:2

Iningkya da tuita hanpakma lax angkya oli tuita a: chix a ana angkya chitüi le nuitsuak angkya mix chang angkya oli.

WANGSHEMBU MWOT 16:1

Ilaxle Pol Darbe hia Lastra to aham. Ikhato Timothi le amünkya Jisu Khrista to mongongkya naosün tuita tüikya; chix honuchu wüi Jehudi cha mongongkya khünak tuita changkya, ikoxle hopa a Grik sün changkya.

1 KORIN 4:14

Kue ija hünzom ang zak akople zakya münchang, ikoxle Khrista ma kue mongkünkya kusa hwom ningle hünzom ang adangle kox angle zawüi.

1 KORIN 11:34

Owawa ang wok anole jangchangba, hünzom asoxkya zuma Jowanpa-e oma to uakya khato hakkya lima chitüi angkya kuxma, chixe mahom to fongsaxle kopkox. Mama zangwün bama ku tamchatle nguikya zuma tix wünle tsuakhax.

2 KORIN 8:18

Kaxho Müikya apukle mokkya mwottho ma müimüithom pangkha to wüi achuak achenle tüikya tüinao tuitachu chix füi tomle apaopu.

FILIPI 2:22

Kukhi hopa tuta sasünnyi ningle, Kaxho Müikya kuxma motomle saxmokle hüilaxle, chix tuita sukya mix changle le ahokya hünzome jao awanle hüipu.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

TITA 1:5

Mokse mwot athut athuile zing angkya ilaxle ting-hax pangkha towüi müimüithom lompabu zün angkya naxmok lax angle kue nang Krata to danle toxpu. Adangle fakya ku zünkax-saikaxbu mong ma koplax: