1 KORIN 4:12 - OTSAO BAIBEL (BSI)

¹² Kwome ma chak füi azongle mokmole. Kwom to thuakzom pongma, kwome mohimanle; otue kwom to zothupuix kwome adule;

1 KORIN 4:12 ပူးပေါင်းရင်းမြစ်များ

1 PITAR 3:9

oma lüix to oma chichangba thuakzom lüix to thuakzomle jan anongkya taxtüi; itülüi, mohiman mix laxkox, chemthüikoxle mohiman a Zange hünzom nyakkya zuma hünzom ang koxüile tsaokya changle.

MATHI 5:11

“Otue khünaknue ku khoma hünzom to ajaole sikngün faüi hex, ilaxle hünzom füi alünle kaxma pangnu akaxüi hex; izuma hünzom mohiman.

ROM NOK HATO ZAKYA POL LAIZA 12:14

Hünzom to zothupkyabu hanpakma Zang ang chingcha hüile thüikox; changpu, thuakzomle chichang homtoxle chix ang mohiman hüile thüikox.

ROM NOK HATO ZAKYA POL LAIZA 12:20

Chatlechu Otsao Lai-e ile akaxle: “Nang zan ang wok jang-anoba, chix ang süt laxkox; chix ang ti jang alanba, ling ang ti laxkox; ile mokkyae nange chuale ngokya wündix chix khang ma athünüi.

WANGSHEMBU MWOT 18:3

ilaxle hwom tomwüi saxmokle tomle ngo; chemthüikoxle chixechu wüi hwom lailaile nyihombu zingle ma wok tux.

KAXHO MÜIKYA LUK 6:28

hünzom thuakzomkyabu to mohimankox; ilaxle hünzom zong to male tüikyabu hanpakma zangjopkox.

1 PITAR 3:14

Ikoxle sukya mwot khoma hünzome sikngün apong angkya jangchang thüiba, hünzom otukuxkya mohiman! Owa thuachu taxza üntoxle taxaban.

1 PITAR 2:23

Chix adix-ada pongma anongle chixe adix-adale chichang; chix sikangün pongma chixe aza-anale chichang; ikoxlechu otsingtsing kaxfünpa, Zang ma chix monghom thom.

KAXHO MÜIKYA LUK 23:34

Üntoxle Jisu-e thüi: “Apa, hwom ang thailakkya tüikox; chemthüikoxle hwome chem moklaxpuix ija hwome münawan.” Ijama hwome nantak ilaxle chix-nyi chix-za hwom bama ahanle lax. Üntoxle khünaknue hule ajong.

MATHI 5:44

Ikoxle kue hünzom ang thüipu: Ma zan to mongkün kox ilaxlechu ma zongto chichangle tüikya bama zangjopkox.

WANGSHEMBU MWOT 7:60

Chix chikux athongle akhux üntoxle thüi: “O Jowanpa! Ija ochax hwom hato ngui ang taxtom!” Chixe ija kaxzex ashuk üntoxle zi. Ilaxle Sol-e ija langkya sudaoa le kaxkhi fa.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

JUD LAIZA 1:9

Kaxtaimixbu khama akhokya Maikel-e ngaxchu ile chimok. Mosa mang ma atinle bao füi ahe pongma ngaxchu Maikel-e chix adix-adale chichang ikoxle “Nang to Zange wüi naxsakox”, le tata thüi.

1 TIMOTHI 4:10

Kwom azanpu ilaxle azongle mokpu, chemthüikoxle pangnusa khosün mix tamnüilechu opange ongpuix, hwom hanpakma, kwome kwom monghom ozün Zang ma thompu.

2 THESALONIKA 3:8

Omün chifa homtoxle ngat to owawae fongkya kwome pongle chikop. Itülüi kwome mokpu üntoxle thangpu; hünzom opupu zong tochu kwom tuita thabakkya ang nakchang ünkox le kwome nak-hex ngai-hex mwot mokpu.

1 THESALONIKA 2:9

Kutüi kunaohom, kwome mokdaokya hia sikngün apong daokya, hünzom mong ma tüiün angpu! Zang tokhange hüikya Kaxho Müikya hünzom hato apuk-apuakya zuma hünzom zongto kwom tuita tingtui dongle nakchang ünkox le kwome zangnak zangngai mwot mokpu.

1 KORIN 9:6

Chichangba mokle ngun achaklaxo lükya a Barnaba kukhi lanwüi hexnyi?

WANGSHEMBU MWOT 20:34

Ku hanpakmachu üntoxle ku füikya üithobu hanpakmachu wüi tütalichu kue ija ku chak füitix wüi moklaxle okhongui le lax-twonkya hünzome awan ngopu.

1 PITAR 4:19

Idaile opange Jowanpa ma sikngün apong puix, hwome mwotmüi mokkya füi, owae chix kaxtsao otya ma thom, zingpupa Jowanpa, chix to mong bakle koxle ongkox.

ROM NOK HATO ZAKYA POL LAIZA 8:35

Jangchang thüiba, Khrista mongkün füi kem owae ajan tsuak angkya? Sikngün tuitai, thang dangkya, zothupkya, chichangba woknuak tilan, otui onuak, thomzün maklax, zikya thama, iningkyabue ajan ang thoüi hia?

2 KORIN 11:8

Hünzom khato mwot mok angkya hanpakma kue ngun syen mama müimüithom tokya mix koppu. Hünzom to fongtsox angkya kuxma hwom zothup daoa le kue akax tsuakpu.

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.