1 KORIN 4:10 - OTSAO BAIBEL (BSI)

¹⁰ Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

1 KORIN 4:10 ပူးပေါင်းရင်းမြစ်များ

1 KORIN 2:3

Idaile ku hünzom füi tüipongma ku shonaile hia zakyae pangnu kha abünle süt,

WANGSHEMBU MWOT 26:24

Ile Pol-e ma khosele zangwün ngoponge Festas-e chix to sa: “Pol, nang ongat! Nange angangle man-ngünkyae nang ongat ang achangle.”

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

2 KORIN 13:9

Kwom a shonai ikoxlechu hünzom tsakzong le changkya zuma kwom mongmüile. Ikhoma hünzom chuwüi nguiwangkya ang achang angkya kwom zangjop changle.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

2 KORIN 11:29

Otue owawa shonai le changüihex, ima kuchu zong chitüile maxkya ningle chang; owawa ochax to dütkya zuma, thünzak wünchuae ku awang.

2 KORIN 11:19

Hünzom ma zongto alüile hwontüi jezaikyabu changpu, ikhoma hünzom ongatbu khato hakle.

2 KORIN 10:10

Chemthüikoxle hwome thüile: “Pol laiza tüle khünzukya tamchu ahai ang chimüikya changle, ikoxle otue chix kwom füi tomle kun ma tüikyahex, chix ma zong chitüi, ilaxle chix tsai chix kaxbu chem angchu chichang!”

1 KORIN 10:12

Idaile owae ma shingmongle ajongle ngole le texlaxpuix, chidüt angkya kuxma khünli lax.

1 KORIN 4:8

Hünzom awang tsuakdaoa! Hünzom hakpa luapa ang achang tsuaküna! Kwom chilax homtoxle hünzom wanghombu ang achang ang tsuaküna! Changle, hünzom füi tomle kwomchu wanghom ang achang angkya kuxma, otsing tomtata ma hünzom wanghombu ang namachangbae le kue thütle.

1 KORIN 3:2

Kue hünzom tsomti füi tuxpu, saxzan füi münchang; chemthüikoxle hünzome ija sax ang matho; athax kople hünzom ija saxtsuak tang machang,

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

WANGSHEMBU MWOT 17:32

Pol-e chatle azangle zokya mo wünle atatkya zuma, züizüi chix chanyi, ikoxlechu mamabue thüi: “Nange ija bama chatle wünkox, kwome apase tsule.”

WANGSHEMBU MWOT 9:16

Üntoxle ku mün awan ang kox angkya bama chixe sikngün apong angkya pangnu kue chix hama wünle koxüi.”

KAXHO MÜIKYA LUK 18:9

Üntoxle khünak züizüi hwom lualua to atsaole ong laxle mama pangnu wüi ajaole ngokyabu füi Jisu-e ija kaxpan akax:

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

KAXHO MÜIKYA LUK 6:22

“Otue Khünak Hosa khoma khünake hünzom thua anuüihex, chilaxle awütüihex, adaüihex, kaxma lili akaxüihex! izuma hünzom mohiman.

MATHI 24:9

“Ifüima khünaknue hünzom kopüi, ilaxle sikangün ang hia lang ang tomüi. Ku mün khoma hexle khünaknue hünzom thua anuüi.

MATHI 5:11

“Otue khünaknue ku khoma hünzom to ajaole sikngün faüi hex, ilaxle hünzom füi alünle kaxma pangnu akaxüi hex; izuma hünzom mohiman.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

ISAIA 53:3

Kwome chix ajao ilaxle chilaxle awüt; chixe sikngünkya hia tsütle kakkya adu. Owaechu chix thün to hu ang chitho — chix chemchu chichangkya ningle keme chix ahai.

WANWÜNKAX 11:12

Mix tha ajaole akaxkya a ongat changpu. Nang tuita awankya mix jangchang, nang dangle ngoüi.

2 WANGHOMBU 9:11

Jehu a chix zuikhui nguakax-wangkhobu hato chat. Hwome chix ma atüi: “Pangnu müile wüile changlax ma? Ija naosün angapae nang füi chemthüisele thüipu?” Jehu-e lan: “Chixe lomkya hünzome awanle ngopu.”

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

1 KORIN 1:23

ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

1 KORIN 1:25

Chemthüikoxle oja Zang zong ma ongat hex, ija a khünak je-hwon füichu süthak, ilaxle oja Zang zong ma shonaipuix, ija khünak tsakzong füichu süthak changpu.

2 KORIN 6:8

Kwom a achuak achen ilaxle adix-ada. Kwom ajao ahai ilaxle achuak achen. Kwom a khualop mix ang lax.

2 KORIN 4:12

Ija a kwom ma zik-mwot suapu, ikoxlechu hünzom a azün ang suapu.