1 KORIN 3:7 - OTSAO BAIBEL (BSI)

⁷ Owae otsang küipuix ilaxle owae opün to tie lipuix, hokhi chemchu münchang, ikoxle opün tsong ang koxkya Zang akhokya changle.

1 KORIN 3:7 ပူးပေါင်းရင်းမြစ်များ

JUHAN 15:5

“Ku a hopupa ilaxle hünzom a pünkangbu changle; owa ku ma ngopuix tamchu ku owa ma ngopuix, ija khünake huanuma oziak ziaküi; chemthüikoxle ku füi atsai laxle hünzome chemchu mok ang müntho.

GALATIA 6:3

Chix a chem ngaxchu chichang khato owawae ma lita changpu le ngamle jangtex, chixe ma alüile dyen ngopu.

2 KORIN 12:9

Ikoxle chix kaxlan a: “Nang hanpakma ku chingcha wüi nguile ngoüna, chemthüikoxle ku tsakzong omo apong angkya a nang shonaikya ma tix changle.” Ku khose angkya Khrista zong tüikya mongto awün angkya bama, ku shonaikya bama, ku mongngam angkya ku zongma huanuma mongmüi changle.

MÜNCHUAK-TSAI 115:1

Ojem chifünkya mongkün hia chialekya mongong nang ma tüingokoxle, nang tata ang, O Jowanpa, nang tata ang tix; fuazangkya kwom ang kox angkya jao münchang.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

ISAIA 41:29

Baozang ibu a laxli müntüi; hwome chemchu mok ang müntho — chapa ibu a tsak-zong chemchu chitüikya changle.”

ISAIA 40:17

Chaxwannu nok a chix zongto chemtha chu münchang.

MÜNCHUAK-TSAI 90:17

Jowanpa kwom Zang, nang mohiman kwom füi ngo ang tomkox. Mokkya mwottho pangnu ma kwome tho-lün ang tomhüi!

1 KORIN 3:6

Kue otsang küipu, Apolo-e opün to tie lipu, ikoxlechu opün tsong ang koxkya a Zang-tix changle.

1 KORIN 3:8

Owae otsang küi üntoxle owae tie li, hokhi a tuitata wüi changle, ilaxle hokhi pangnyie wüi, chix mwot ma thütle ma hingchak kop angkya changle.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.