1 KORIN 3:5 - OTSAO BAIBEL (BSI)

⁵ Jangchang thüiba, Apolo a owa? Üntoxle Pol a owa? Kwom nang, hünzom mongong hato zunle ahüi angkya hanpakma ngokya Zang da muakyabu changwüi. Kwom pangnusasae wüi Zange ma ang akoxkox mwot mokwüi.

1 KORIN 3:5 ပူးပေါင်းရင်းမြစ်များ

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

1 PITAR 4:10

Pangnusae wüi, malom-malom hinghobu twon ang mankya khünak tuita lailaile, Zang tokhange tamsüile kopkya hingho hünzome tata fün amüi ang twonkox.

2 KORIN 3:6

Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

2 KORIN 4:7

Ikoxlechu Kaxho Müikya zong akhokya a Zang kux changle, kem kux münchang, le aho angkya hanpakma, ija Kaxho Müikya apuk-apua angkya hünlix füi tüikya kwom a tikkuxbu ningle changle.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

2 KORIN 3:3

Kwom makhange thwonkya laiza, ngünkya longkhua ma chichangle mong longkhua ma, khanti füi chichangle ozün ma tüikya Zang Chasa füi Khrista chix tomtatae zakya laiza a hünzom changpu le atsingsho.

1 KORIN 3:10

Zange ku ang fakya hingho twonlaxle, homzing manpa mwot kue mok ilaxle hom tale toxdaoa, ilaxle mama mixe ija ma zingle ngole. Ikoxlechu pangnunue wüi mae chemle zinglaxpuix, ija bama khünkhi angkya changle,

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

1 KORIN 9:17

Kue ija ku mongtex ma mokpuix thüikoxba, kue otha kopüi le ongkya tüise; ikoxle Zange ku ija mwottho hanpakma ma tsankya tüikoxle, kue ija ma hünlix ang laxle mokpu.

1 KORIN 3:7

Owae otsang küipuix ilaxle owae opün to tie lipuix, hokhi chemchu münchang, ikoxle opün tsong ang koxkya Zang akhokya changle.

JUHAN 3:27

Juhan-e lanle thüi: “Zange fakya chichang thüiningle khünake chemchu kop ang müntho.

KAXHO MÜIKYA LUK 1:2

Opange owang tokhange ngünle hüi üntoxle Kaxho Müikya apukpuix, ibue kwom hama wünkya ningle hwome zale.

MATHI 25:15

Chixe nok ang wüi mathüt mapanpan le kox; mixhuak tuita ang chixe ngun hajat aga kox; atat mix ang ngun hajat anyi kox; ilaxle ata mix ang ngun jat tuita le koxle tox ilaxle chix mixwün to pao.

KOLOSI 1:25

Zang, owae hünzom fün amüi angkya kuxma, chixe tsün-tsün to khünaknu thüntho ma pyenle thomkya huxsa mwot ikoxle oja athax a chix khünaknu hato ngaile apukpuix,

EFISIA 3:7

Ataxkya chix zong mwot makhange kopkya, tamsüikya Zang hingho tokhange ku a Kaxho Müikya da ang achang.

WANGSHEMBU MWOT 18:24

Apolo le amünkya Jehudi khünak Alekjendria tokya mixsün tuita Efisia to ngui. Chix a tuita zangwün mankya khünak tamchu Otsao Lai kax awankya mix changkya.

WANGSHEMBU MWOT 19:1

Apolo Korin ma tüitanto, Pol a ija haxtok osungwa makhange ahamle hüikya Efisia to ngui. Ikhato chixe Jisu wangshembu züita atak,

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

1 KORIN 3:22

Pol, Apolo, Pitar; ija chaxwannu, ozün hia omang, athax tüikya hia füichi, ibu pangwüi hünzom kux,

1 KORIN 16:12

Athax, tüinao Apolo bama obi thomthom ma hexle kue hünzom wai angkya hanpakma zongsaikya changpu, ikoxle athax-thaxwüi le thüi ang chix mongpua majum. Chixe oshua atakkya zuma chix ngui angkya jao changle.

2 KORIN 4:1

Zange chix chingcha makhange kem ang ija mwot mok le koxdaoa, ikhoma kwom ang mong münhix.

2 KORIN 5:18

Ibu pangnu a Khrista makhange, zan ang ngokya kem zuikhui ang achangle tamchu mama mixbuchu kem makhange chix füi zuikhui ang zing ang tsankya a Zang mwot changle.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,