1 KORIN 3:18 - OTSAO BAIBEL (BSI)

¹⁸ Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

1 KORIN 3:18 ပူးပေါင်းရင်းမြစ်များ

WANWÜNKAX 3:5

Nang mong makhange abakle Jowanpa to mongongkya tüikox. Nange chem awanpu le texpuix otuechu ija to onglaxle taxngo.

ISAIA 5:21

Hünzom a maxdaoa! Hünzome hünzom a hwontüi-jelangkyabu, tüle tsingzaikyabu le thütle.

GALATIA 6:3

Chix a chem ngaxchu chichang khato owawae ma lita changpu le ngamle jangtex, chixe ma alüile dyen ngopu.

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

KAXHO MÜIKYA LUK 18:17

Ija ku kax mong ma koplax, Naosa tuita ningle opange Zang Wangting pongle chikopüi hex, hwom ikha to münnop tsuaküi.”

MATHI 18:4

Owa malualua to puinai le ija naosa ningle achangüi hex, Zang Wangting ma achongkya ang chix achangüi.

MARK 10:15

Kue hünzom ang otsing tomtata akaxpu: Opange naosa tuita ningle Zang Wangting pongle chikop laxüihex, hwom ikhato ngui ang münthoüi.”

JAKOP 1:26

Khünak owawae ma mong alüile dyen-nganle malualua to ma atsaole texlanlan laxle ma akumathumkya chitüi homle jangtüi thüiba, chix otsao zanglom ma chem lap müntüi.

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

EFISIA 5:6

Ongat zangwünbu makhange owaechu nang dyen ang taxkox; ija khokhoma chix kax ma chilaxkyabu hato Zang mongtsik nguiüi.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

1 KORIN 4:10

Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

JEREMIA 8:8

Hünzom a jepabu tamchu hünzome ku wanlombu tikle ngopule chemle thüitsuak? Hulax, wanlombu a otsing chichangkya zatmixbue tüilüidaoa.

WANWÜNKAX 26:12

Je-hwon chitüi khato jetüi-hwonlangkya mix ningle thütkya khünak tuita füi a mongkho ojao chinguikya anga tuita wüi sümüi.

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

1 JUHAN 1:8

Keme kem ma ochax müntüile jangthüiba keme ma alüile dyenkya changpu, ilaxle kem ma otsingtsing müntüi.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

GALATIA 6:7

Alüile ma kho taxhang; Zang a owaechu dyen ang müntho. Khünak tuitae chixe chem küile thomlax puix ija oziak tix khaiüi.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

KAXHO MÜIKYA LUK 21:8

Ikoxle Jisu-e thüi: “Hünzom chichang-chizang lom to zunle chipao angkya bama khünlax. ‘Ku chix changpu, üntoxle hanpak chwonüna’ lükya zangwün füi khünaknu hüiüi. Ikoxlechu ibu füito taxazui.

WANWÜNKAX 5:7

Athax ku kax apahüi, ku sasün-hom, ilaxle kue akax ngokya tütue chu alakle taxasam.

JEREMIA 37:9

Jowanpae kue kaxkhün koxle akax ngopu, Babilon nok chatle münchatpule thütkya füi hünzome ma alüile dyenla laxma, chemthüikoxle hwom a tamchatle nguiüi jaojao.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

1 KORIN 3:17

Owawae zangshwom-hom jang ama thüiningle Zange chix amaüi. Chemthüikoxle zangshwom-hom a otsao changle, ilaxle nang a ija zangshwom-hom changle.