1 KORIN 3:12 - OTSAO BAIBEL (BSI)

¹² Athax hom takya ma owawae hun, khop, thalix longbu, ibu laxüi; mamabue pün, hingzang, chichangba tsaxtsa laxüi.

1 KORIN 3:12 ပူးပေါင်းရင်းမြစ်များ

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

2 TIMOTHI 3:7

shekobu opange awanle kop ang azong koxlechu otuechu otsingtsing awan ang chitole ngolaxpuix, iningkya shekobu hwome ma chak ma kople.

2 TIMOTHI 2:20

Homnu chongkya tuita ma sütling hia müi-nyax pangnu li tüile; züizüi a hun hia khop makhange zingkyabu changle; mamabu a pün hia hax makhange zingkyabu changle; züizüi a khütkhaxkya tuke lax ang, mamabu a zangjang to laxle ngo angkya hanpakmale changle.

MIKNGÜN-OHÜN 21:18

Katuk a jaspar füi ilaxle tingsho a hun tsaotsao füi le zawan lailaile tsao wüi tsaole zingle tüikya.

MIKNGÜN-OHÜN 3:18

Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

MÜNCHUAK-TSAI 119:72

Nange ku ang fakya Wanlom ku zongto müima müile, chaxwannu angkya ngun-syen pangnu füi ngaxchu wüi sümüi.

MÜNCHUAK-TSAI 19:10

Hun amüikya füi ngaxchu ibu wüi laxse tsule; nax-ti tsaothakya füi ngaxchu ibu wüi sütile.

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

1 TIMOTHI 6:3

Opange othai Baibel kaxtong anwot-ano üihex kem Jowanpa Jisu Khrista kaxbu füi ilaxle hwom zanglom hwon-nwot füi nochitomle tüipuix,

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

WANGSHEMBU MWOT 20:30

Hwom füito mongong mixbu chichangkya lom to chüile apao ang hünzom khama züizüie atse le zangwün angkya hanpak tuita hüi angkya changle.

JEREMIA 23:28

Aje owae wünmang ngünlaxpuix, chixe ija a wünmang zazale akax angkya changle, ikoxle aje owae ku kaxho atatpuix, chixe a mongong tüikya füi ija ku kaxho apuk angkya wüi changpu. Saxtsa hia saxziak chem ma apyen angkya tüi?

ISAIA 60:17

“Kue hünzom hato wi lüix to hun apüiüi, Khop hia tu a jan hia pün lüima, Ilaxle jan a long lüix ma. Hünzom to apün-adale ngokyabue hünzom to zothuple chichangüi; Kue hünzom a sukya kaxfün hia mongsom ma apün-ada ang tomüi.

WANWÜNKAX 30:6

Chixe chiakaxkya to nange akaxdaoale thüi angkya jangtüi, chixe nang to saüi ilaxle nang a atsepule ahoüi.”

WANWÜNKAX 16:16

Hun hia khop tüikya füi je-hwon hia tsing-wankya tüikya wüi amüikya: onüi müikya changpu.

WANWÜNKAX 8:10

Khop-jan füi ngaxchu kue adangle fakyabu wüi zünle koplax; atsaokya hun füingaxchu awan-atsingkya wüi zünle koplax.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

1 KORIN 3:11

chemthüikoxle tale thomdaokya hom owa Khrista changpuix, chix boma mama hom owaechu münta angkya changle.

1 KORIN 3:13

Khrista zanghan dongkya Nyix mixhuak nok mwot wüi ngün ang ataküi, chemthüikoxle ija nyix wün makhange noknusa mwot wüi angaile ahoüi; ile wün füi wanüi ilaxle ija chimüikya hia müikya oli otsingtsing ahoüi.

LAIPAO 5:12

Ikhoma khünaknu a tsaxsa lom ang Ijip nok chaxwan faole aham.