Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 KORIN 2:7 - OTSAO BAIBEL (BSI)

7 Ikoxlechu kue apukkya a khünak hato chiaho le pyen thomkya ikoxlechu ijae kem fuazang angkya hexo le chaxwannu mazing tanto wüi Zange tsuakle thomdaokya Zang je-hwon bama changpu.

အခန်းကိုကြည့်ပါ။ ကော်ပီ




1 KORIN 2:7
21 ပူးပေါင်းရင်းမြစ်များ  

Owae ma fuazang hia ataxle müikya süntswon ang kem sele laxpuix, keme chix awanle laxkya makhange, kem ozün ma tüipongma tamchu otsingtsing zanglom tsün ngopongma laxli komle Zang otsao tsakzong makhange kem ang fadaoa.


Ajepa kax ija kotok to ngai ang chixe ile mok: “Kue hwom füi wünkya zuma, kaxpan füi tix ku tun dapüi; Haxtsak-zangnyem pongma wüi, pyenle thomkya kax kue, hwom hama apuale koxüi.”


Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!


Kue je füikya wanwünkaxbu twon angkya ilaxle kaile toxdaokyabu makhange ohünotünbu akhix-akhanle fa angkya changle,


Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.


Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.


Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.


Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.


Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,


Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:


Tüi-hi-naohom khama Zang Hosa puxkya owang ang achang angkya bama, Zange opang kamle kopdao laxpuix, tamchu chix Hosa ningle achang ang süile danle.


Idaile Zange, chixe süile dandaokyabu nyakle; ilaxle chixe opang nyak laxpuix, chix füi muamüi ang tomle; ilaxle opang chix füi muamüi ang koxpuix, hwom füi chixe chix fuazangchu wüi tomhanle.


Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.


Tüinaohom, ku hünzom hato Zang jojüi apukle hüikya zuma, tsaichong-kaxbong hia kue tsingwankyabu kax chemchu chiakax.


Ija a, anyixkya tsün ma, müimüithom makhange kaxtaimix apün-awangkyabu hia ding angkya chaxwan tsakzongbue mama lom tokhange chix hwon-je tsingle lax angkya hanpakma,


ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.


Zangfangjanu a Zang kax makhange zingle alaikya changpu le keme mongong füi tix tsing ang thole, ikhoma chem ngün ang thole tüilaxpuix ija a ngün ang chithokya makhange zingle alaikya changle.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ