1 KORIN 2:6 - OTSAO BAIBEL (BSI)

⁶ Bachutix chasa ma tsün atyadaokyabu hato kue je-hwon kaxho apukpu. Ikoxlechu otam amütdao angkya athax pongkyabu din-pan tamchu ma apün-awangkyabu je-hwon bama münchang.

1 KORIN 2:6 ပူးပေါင်းရင်းမြစ်များ

IBRI 5:14

Sützan a mokkya mwot makhange, chisukya hia sukya ba süi ang tsuak le tüikya mixmüibu hanpak changle.

JAKOP 3:15

Iningkya je-hwon zangkangting tokya münchang; ija a chaxwannu kux, ija a chitsaokya tamchu bao füikya changle.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 KORIN 2:8

Ija chaxwannu ma apün-awangkya opupuechu ija je-hwon chitsing. Hwome ija tsingkoxba fuazangkya Jowanpa takle chilangse.

1 KORIN 1:28

Chaxwannue okho le laxkya tha ama angkya hanpakma, chaxwannue afangle hukya hia tüta ma lax angchu münmüi le awütle thomkya Zange zünle kop.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

MÜNCHUAK-TSAI 33:10

Jowanpa ang chaxwannu nok mongtexbu füi mongzom chimüi; chixe hwom katzuabu mokle le ang chitom.

JOB LAIPEX 12:21

Tsakzongle ngokyabu to chixe ching müncha; apün-awangle ngokyabu angkya zong abak ang tomle.

JOB LAIPEX 12:19

Chixe zompu-zangpabu hia tsak-zong tüikyabu puinai ang tomle.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

1 KORIN 2:13

Idaile Chasa tüikyabu hama Chasa otsingtsing kaxtai ang, kwome khünak je-hwone anwot-anokya ningle akaxpu.

1 KORIN 2:1

Tüinaohom, ku hünzom hato Zang jojüi apukle hüikya zuma, tsaichong-kaxbong hia kue tsingwankyabu kax chemchu chiakax.

KAXHO MÜIKYA LUK 16:8

Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”

MATHI 19:21

Jisu-e chix ang thüi: “Nang okhonguise jangtsu, paolax, nang ma atüitüi komle hang laxle ngun chitüi chinangbu ang ahanle laxkox, ikoxle zangkangting to nang hakpa ang achangüi; ilaxle oman, ku füito hüilax.”

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

ISAIA 40:23

Chixe tüle tsak-zongle tüikya apün-awangkyabu athom ilaxle hwom chem angchu chichangle ahik.

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

MÜNCHUAK-TSAI 146:4

Chemtue hwom ziüihex, hwom a haxbu hato wüi chatle; ija nyix hwom mongjang ashukkya ang changle.

1 KORIN 3:1

Changle, kutüi-kunaohom, Chasa füikya khünakbu füi zangwünkya ningle kue hünzom füi akax ang müntsuak; hünzom füi kue Khrista ma naosom füi hia chaxwannu khünakbu füi wünkya ningle akax angkya laile.

1 KORIN 12:8

Chasae mixhuak tuita ang je-hwone awang angkya kaxho koxle, ilaxle ata mixsün ang ija chasasae wüi tsingwankyae awangkya kaxho koxle.

2 KORIN 4:3

Chemthüikoxle kwome apüikya Kaxho Müikya züizüie tsingle lax ang chitho lechu changüi, ikoxle ija a omüt osam lom to lele ngokyabu pyenkya khoma changüi.

KOLOSI 1:28

Ikhoma kwome nok hato wüi Khrista apuk apua. Khrista ma mixhuak pangnu wüi tsongkya ang achangle Zang ngwotnui to pangnu wüi apüi angkya hanpakma kwome otsuaktsuak ma hwom ang kaxkhün akax ilaxle anwot-anopu.

IBRI 6:1

Idaile owang pongkya khristan kaxho füito dantoxlaxle kempi mixmüi zangwün hato thoto lehax. Tüta pongchu chithap angkya mwot füi atsai laxle Zang to mongongle hüikya