1 KORIN 2:14 - OTSAO BAIBEL (BSI)

¹⁴ Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

1 KORIN 2:14 ပူးပေါင်းရင်းမြစ်များ

1 KORIN 1:18

Chemthüikoxle maxsam le ngokyabu hanpakma, Khrista pünsak ma zikya kaxho a kaxwa changle; Ikoxle kem khosün daokyabu zongto ija a Zangtsak Zang zong changpu.

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

1 KORIN 15:46

Ikoxle owange hüikya a chasa tsün münchang ikoxle müi-hi-aji tsün changle, ifüima tix chasa tsün.

JUD LAIZA 1:19

Khünaknu opange tufan-luazüi ang tompuix, opang mong hwom jaopoe akumathum laxle thompuix, opang ma chasa chitüipuix, ibu a hwom changle.

JAKOP 3:15

Iningkya je-hwon zangkangting tokya münchang; ija a chaxwannu kux, ija a chitsaokya tamchu bao füikya changle.

1 JUHAN 2:20

Ikoxlechu hünzom ma Khrista-e thokle koxkya Otsao Chasa tüipu, idaile hünzom pange wüi otsingtsing awanpu.

1 KORIN 15:44

Akhünkya a müi-hi-aji pum; otue zoüihex, ija a chasa pum tuita ang changüi. Müi-hi-aji pum tüikya daile, chasa pumchu wüi tüi angkya changle.

1 KORIN 2:12

Athax Zange kem ang koxle thomkya hinghobu tsingle lax angkya hanpakma keme Chasa Zang tokhange koppu, ija chaxwannu angkya münchang.

WANWÜNKAX 14:6

Je-hwon wanjaile ngokya khünak tuitae otuechu ija münataktsuak, ikoxle je füi lomkya khünake ija ochwon ma atakle.

JUHAN 12:37

Chixe hwom pomtho ma ohünotün mwotbu mokle ahodaobachu, hwome chix to chiong;

JUHAN 5:44

Hünzome tata angkya münchong kopse tsu ikoxlechu tuita wüi tüikya Zang tokhange münchong kop ang hünzom chiazong. Ile jangchangba hünzome ku to cheme ong manüi?

MATHI 16:23

Aküile hulaxle Jisu-e Pitar ang thüi: “Ku ha angkya atsai paoün, haxshix! Nange ku lom abangle; chemthüikoxle nange thütkya a khünak mongtex changle, Zang mongtex münchang.”

JUHAN 14:26

Ikoxle fongmix ija Otsao Chasa, Apae owa ku mün ma ahüi angkya hex, chixe hünzom hama pangnusa apuale fa angkya changle, ile kue hünzom füi akax daokyabu pangnu texle atak ang tomüi.

WANGSHEMBU MWOT 16:14

Kwom kax apakyabu khama Lidia, Thaitira tokya, baxnat nyinu thalexkya mixcha tuita tüikya. Pol zangwün to mongkoxle apa angkya she ang Jowanpa-e mongka daple kox.

JUHAN 8:43

Hünzome ku kax büthüikoxle chitsing? Ija a hünzome ku kax apa ang mong chiadu thokya khoma changle.

1 KORIN 1:23

ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

WANGSHEMBU MWOT 25:19

Ikoxle hwome chix füi hwom zanglom hia ziünkya Jisu le amünkya mixsün tuita bama zangwün ma alat; ikoxle Pol-e chix ozün ma wüi tüile le thüi.

JUHAN 15:26

“Ikoxlechu fongmix, oja Otsao Chasa, owae Zang otsingtsing ngaile aho angkya changpuix, tamchu owa Apa tokhange hüipuix, chix nguikya zuma, chixe ku bama kaxkhi fale zangwün angkya changle.

WANGSHEMBU MWOT 18:15

Ikoxle ija a kaxhuak hia mün ilaxle hünzom ma wanlom bama kaxma alankya zangwün daile, hünzom zome wüi wünle tsuak angkya oli changle. Iningkyabu zangwün bama hexle kue kaxfün münfa ngoüi!”

WANGSHEMBU MWOT 17:32

Pol-e chatle azangle zokya mo wünle atatkya zuma, züizüi chix chanyi, ikoxlechu mamabue thüi: “Nange ija bama chatle wünkox, kwome apase tsule.”

JUHAN 10:20

Hwom züizüie thüi: “Chix ma bao tüile! Chix a ongat changpu! Hünzome chix kax chemlom ang apapu?”

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

JUHAN 14:17

Chix a Zang otsingtsing bama ngaile aho angkya Chasa changle. Chix a chaxwannue pongle kop ang tho angkya oli münchang; chemthüikoxle chaxwannue chix münngün tamchu ojao münawan. Ikoxle hünzome chix awanpu, chemthüikoxle chix a hünzom füi ngole tamchu hünzom ma ngole.

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

1 KORIN 1:25

Chemthüikoxle oja Zang zong ma ongat hex, ija a khünak je-hwon füichu süthak, ilaxle oja Zang zong ma shonaipuix, ija khünak tsakzong füichu süthak changpu.

1 KORIN 3:1

Changle, kutüi-kunaohom, Chasa füikya khünakbu füi zangwünkya ningle kue hünzom füi akax ang müntsuak; hünzom füi kue Khrista ma naosom füi hia chaxwannu khünakbu füi wünkya ningle akax angkya laile.