1 KORIN 15:8 - OTSAO BAIBEL (BSI)

⁸ Oshukma chix, hanpak manguiba puxkya nao ningle tüikoxchu, ku hato laile aho.

1 KORIN 15:8 ပူးပေါင်းရင်းမြစ်များ

1 KORIN 9:1

Ku a mongtex ma ngo ang dankya mix münchang hexnyi? Ku a wangshem tuita münchang hexnyi? Kue kem Jowanpa Jisu Khrista mangün hexnyi? Jowanpa ma hünzom ku füi tomle üitho münchang hexnyi?

WANGSHEMBU MWOT 26:16

Ikoxlechu zolax, nang chama ajonglax. Nang hato ku ngaikya a, nang a ku da ang kam angkya hanpakma changle; nange ku bama anyix chem ngünpuix ilaxle kue nang hama füichi hanpak chem aho angkya tüipuix ija bama nange mix hama kaxkhi fa angkya changle.

WANGSHEMBU MWOT 22:18

ima kue Jowanpa ngün, iponge chixe thüi: ‘Momlax üntoxle Jerusalem nonokhaile dantoxdao, chemthüikoxle ikha angkya khünakbue nange ku bama kaxkhi fakya pongle münkopüi.’

WANGSHEMBU MWOT 18:9

Jata Pol-e mikngün ohün ngün. Ijama Jowanpa-e chix ang thüi: “Taxza! Ikoxle Kaxho Müikya opuk opukle apukkox, tütle dan taxtox;

WANGSHEMBU MWOT 9:17

Ikhoma Anania pao, ija hom to ngui ilaxle Sol to chix chak füi twon. Chixe thüi: “Tüinao Sol, Jowanpa Jisu chix jaojaoe ku tsanle ahüikya changle. Chix a nang ikhato hüiüi lom to nang füi apongkya mix changle. Nange chatle ngün ang kop angkya kuxma üntoxlechu nang Otsao Chasae awang angkya hanpakmale chixe ku tsanle ahüikya changle.”

WANGSHEMBU MWOT 22:14

Chixe thüi: ‘Chix mongtex tsing angkya chix otsao da ngün angkya üntoxle chix tun makhange akaxkya chix kaxzing atat angkya hanpakma kem pupa hwom Zange nang zünle kopdaoa.

WANGSHEMBU MWOT 22:6

“Ile ku ahamle Damaska kop-hax khakha ma tüipongma, tungto shene, ding tokya wünnyane allele ku akhople nyan.

WANGSHEMBU MWOT 26:12

Nguakhobu angkya laiza hia kaxtom koplaxle ku Damaska to paokya ija mwot hanpakma changkya.