1 KORIN 15:52 - OTSAO BAIBEL (BSI)

⁵² lebama wüi kem pangnu lüiüi. Chemthüikoxle nyazong mütle angaokya zuma, chatle tam chizi angkya hanpakma, zidaokyabu chatle azangle zo ang koxüi, ilaxle kem pangnu wüi lüiüi.

1 KORIN 15:52 ပူးပေါင်းရင်းမြစ်များ

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

JUHAN 5:25

“Otsingtsingma kue hünzom ang thüipu, ziünkyabue Zang Hosa zing atat angkya tunu nguile hüidao, tamchu ija athax changle; ilaxle atatkyabu pangnu wüi ozün ang achangle chatüi.

JUHAN 5:28

Ija atatlaxle taxabüt; chemthüikoxle zidaokyabu pangnusae chix kax atat angkya tamchu zuk-kha tokya lai angkya tu nguile hüi ngole.

ISAIA 27:13

Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome Jowanpa to shwomüi.

2 PITAR 3:10

Ikoxlechu Jowanpa Nyix a ahuxmix ningle nguiüi. Ija nyix zangdingbu tüle-tüle ozing alai le azutle paoüi, üntoxle ding to tüikyabu tüle-tüle khamkyae ashunle amütüi, üntoxle haxwannuchu ikhama tüikya zünmok füi afomle maxüi.

1 KORIN 15:42

Zidaokya chatle azangle zo ningle ile chang angkya changle. Otue pum tuita hax ma akhünpuix, ija a zile shanün angkya; otue ija zo ang koxüihex, ija a tuita tamchu chizi chimax angkya changle.

ZEKARIA 9:14

Chix khünaknu tunthoma Jowanpa ngaiüi; zangchangjep lailaile chixe chix sanbu haple apaoüi. Jowanpa Khüthak Zang-e nyazong mütle azingüi; shuathongchi makhange chix zangchei-zangwat ma zan to kaüi.

MIKNGÜN-OHÜN 8:13

Ifüima kue hu, ikoxle dingkho to pile ngokya ola tuita akhongle ile akaxkya kue atat: “Mama kaxtaimix azome nyazongbu mütkya zuma, chaxwannu ma opang tüilaxpuix, hwom hanpakma, Maxsax! Maxsax!”

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.

MIKNGÜN-OHÜN 8:2

Ifüima kaxtaimix anüt Zang thüntho ma ajongkya kue ngün. Hwom ang nyazong anüt kox.

EZEKEL 33:6

Ikoxle humixe zanbu nguile ngokya ngün ikoxchu chixe tinglyetle chichang, zannokbu nguilaxle ibu ochax khünakbu langüi, ikoxle ibu mik maxkya bama kue hu-mix ma feüi.

ISAIA 18:3

Apakoplax, zangfang ma ngokya pangnusa! Haxnukho to münwan ahole nyiluak tuita ajongle apikkya to hungalax! Nyazong mütkya zing to natha ngolax!

LAIPAO 19:16

Nyix azom lükya anopningle zangtsak-zangdung hüi; tüle shixkya zangfwom tuita haxnukho to lai üntoxle tüle zongkya nyazong mütkya ozing atat ang kop. Pom ma tüikya khünaknu pangwüi za.

EZEKEL 33:3

Chemtue chixe zanpabu hüile ngokya ngünle laxpuix, noknusa mik-hing naka angkya hanpakma tinglyet.

MÜNCHUAK-TSAI 73:19

Hwom a chaktung-chaktung ma amüt; hwom a khomtsile max angkya hato ahüi.

LAIPAO 20:18

Chemtue khünaknue zangtsak-zangdung hia nyazong mütkya ozing atatpuix tamchu haxnukho to zangchang ajepkya hia wünkhut ngünle laxpuix, hwome zale abün ilaxle ochu to ajong laxle hu.

HUAKE LAIPEX 10:4

Ikoxle chemtue nyazong tuita wüi mütüihex, nang zui akhople homjen lompabu tata nguiüi.

LAIPAO 33:5

Jowanpae Mosa ang khünaknu füi akax angkya kaxtom ile kox: “Hünzom a kax ma chilaxle tüikya khünakbu changle. Ku hünzom füi onox ma thüingaxchu azuile jangchang, kue hünzom komkaile amütle changüi. Athaxpi hünzome ma likwünbu koplaxle achexlax. Hünzom to chemle hwonüihex ija kue wüntsuaklax angpuix.”

HUAKE LAIPEX 16:45

“Ibu khünaknu ha angkya füito chatün, hwom kue athax ile onui ma amütüi!” Okhi pangnyi wüi haxchi to hule akhux,

HUAKE LAIPEX 16:21

“Ibu khünakbu tuntho angkya hwom nuakfüi to chatün; kue ibu athaxwüi amütüi!”

1 KORIN 15:23

Ikoxlechu pangnu wüi olom ma leüi; Pongwang ma Khrista; ifüima chix nguikya zuma, chix to ongkyabu pangnu.

1 THESALONIKA 4:15

Athax kwome hünzom ang anwot-ano ngokya Jowanpa hwon-nwot a ija changle: Jowanpa nguikya tukma kem ozün ma nuikyabu a, opang zile ngoünpuix, hwom thoto achale dongnui angkya le münchang.