1 KORIN 15:2 - OTSAO BAIBEL (BSI)

² Hünzome ija Kaxho Müikya to mongle khexkya khoma hünzom azangle ngopu. Chichang thüikoxba hünzome mongongkya muato maxse.

1 KORIN 15:2 ပူးပေါင်းရင်းမြစ်များ

IBRI 3:6

Ikoxle Hosa ningle Khrista a Zang hom ma Opupa changle. Keme monghomkya ma kem mongchyen tamchu mongong jangthom thüiba kem a chix zong to hom tuita changpu.

IBRI 2:1

Ikhoma keme atatle hüidaokyabu otsingtsing to shingmongle künkop angkya changle, ikoxtix kem tswonle münpaoüi.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

1 KORIN 1:18

Chemthüikoxle maxsam le ngokyabu hanpakma, Khrista pünsak ma zikya kaxho a kaxwa changle; Ikoxle kem khosün daokyabu zongto ija a Zangtsak Zang zong changpu.

JAKOP 2:26

Ikhoma, chasa chitüi homtoxle tsangtsa chemle omang changpuix, ilailaile mwot chitüi homtoxle mongongchu wüi omang changle.

JAKOP 2:14

Kutüi kunaohom, mae mokle chiaho thüiningle hünzom khama owawae chix ma mongong tüipule thüikya ma lap chemtüi? Ija mongonge chix khosün ang tho angchami?

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

KAXHO MÜIKYA LUK 8:13

Long tüikya khato dütkya a; Zang Kax atatlaxle mongmüi tungle pongle kopkyabu. Ikoxlechu ija hwom mongto zule düt ang chikox; onox ma mongongle ngo laxle thwontsing hüikya zuma hwom dütle max.

JAKOP 2:17

Ilailaile mongongchu mwot chiwom homtoxle chix tata omang changle.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

2 THESALONIKA 2:15

Idaile tüi-hi-naohom, kwom hwon-nwot hia kwom laiza, oja kwome hünzom hama apukpuix, otsingtsing ma shingmongle ajong ilaxle ibu künle koplax.

GALATIA 3:4

Hünzome apongle hüikya sikngün ibu chemchu münchang texpia? Tütakoxlechu ija a lilita changjao changle!

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

WANWÜNKAX 4:13

Nange awanle kopdaokyabu jento texle ataklax. Tsingwankya a nang khüzün changpu: ija to müile nyethomlax.

WANWÜNKAX 3:1

Ku sa, kue nang hama anwot-anole fakya taxalak. Kue chem mok ang akaxpuix ija jento mong ma kople thomlax.

2 KORIN 2:15

Sünle kopdaokyabu hia maxsamle ngokyabu pangnu tham to apukkya Khrista-e ongan müikya füi Zang ang tö koxkya so a kem changpu.

1 KORIN 15:14

Üntoxle Khrista chatle azangle zokya chichang thüiba, kwome apuk-apua angkya chemchu müntüi ilaxle hünzome pongle kopkyachu chem müntüi.

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

ROM NOK HATO ZAKYA POL LAIZA 11:22

Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.

WANGSHEMBU MWOT 8:13

Simon-e ngaxchu wüi Jisu Khrista to ong; ilaxle bapti lax füima Filip füi asüi le ngo, üntoxle chixe Filip-e mokle ngokya khomtsikya hia ohünotün mwotbu ngünlaxle chixchu wüi abüt.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANWÜNKAX 23:23

Otsingtsing, je-hwon, awan-atsingkya, ilaxle müikya:ibu hanpakma otha koxkoxchu asupu, ikoxle ija nang zongto hangle chiawüt angkya thanu-juapa changle.

1 KORIN 11:2

Othuithuima ku texle atakkya üntoxle kue hünzom ang fakya hwon-nwot olom tole ngokya khoma kue hünzom achuakpu.