1 KORIN 14:4 - OTSAO BAIBEL (BSI)

⁴ Chitsingkya kax ma zangwünkya mixe alüile ma fün amüi wüi, ikoxle Zang kax apuk-apuakya mixe müimüithom fün amüipu.

1 KORIN 14:4 ပူးပေါင်းရင်းမြစ်များ

1 KORIN 14:22

Ile chitsingkya kax ma zangwünkya a mixnokbu hato münwan, ikoxle Zang kaxho apuk-apua angkya a ongkyabu hanpakma münwan changle.

1 KORIN 14:26

Tüinaohom, ku kax a ija changle: Hünzom Zang shwom ang asoxkya zuma, khünak tuita tsai lom ma dan, ata mix a hwon-nwot jaono angkya lom ma dan, ata mix a Zange angaile ahokya ngün angkya olom ma dan, ata mix a chitsingkya kax ma kaxho kop angkya lom ma dan ilaxle mama mix a chem akaxpuix ija taile apua angkya olom ma dan. Ibu pangnu wüi müimüithom fün amüile fong angkya hanpakma changkoxle müiüi.

MARK 16:17

Mongongkyabu ang ibu mok angkya tsakzong koxpu: Ku mün ma hwome haxshix chasabu jwonle apaoüi; chitsingkya kax ma hwome zangwünüi;

1 KORIN 14:12

Chasa hinghobu kop ang nang ma mongtsukya tüikya daile, pangnu thakma ibu füi müimüithom zing angkya nang azong among angkya changle.

1 KORIN 14:5

Hünzom pangnue wüi chitsingkya kax ma akaxkyachu changle, ikoxlechu ito nüile hünzome Zang kax apuk-apua angkya hingho namkopbae le ku mongto texpu. Müimüithom nok fün amüi angkya kuxma, chitsingkya kax ma akaxkya owawae taile kox angkya mix chitüi thüikoxle, chix füi Zang kax apuk-apuakya mix wüi tüichongpa.

1 KORIN 14:3

Ikoxle Zang kax a apuk-apuakya mixe, hwom to fong ang, tamchu hwom zong adün ang, khünaknu füi akaxpu.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

ROM NOK HATO ZAKYA POL LAIZA 14:19

Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

1 KORIN 12:10

Ija Chasa tuitatae wüi mixhuak tuita ang ohünotün mwot mok angkya zong koxle, mama mix ang Zang Kaxho bama akax angkya hingho koxle; ilaxle ata mix ang Zang Chasa tokhange hüikya hia mamachi tokhange hüikya oba süile aho tsuak angkya hingho koxle. Tuita ang chitsingkya kax ma zangwün angkya zong koxle, ilaxle ata mix ang a ija zangwün taile fa angkya zong koxle.

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

1 KORIN 13:1

Kue khünak zangwünwün komle ilaxle kaxtaimix zangwün to lünle wün ang thokoxlax, ikoxlechu ku ma mongkün chitüi thüikoxle, kukax kungao a na apale thukya büi hongkya chichangba samthukya thatha ang changüi.