1 KORIN 14:3 - OTSAO BAIBEL (BSI)

³ Ikoxle Zang kax a apuk-apuakya mixe, hwom to fong ang, tamchu hwom zong adün ang, khünaknu füi akaxpu.

1 KORIN 14:3 ပူးပေါင်းရင်းမြစ်များ

1 KORIN 14:12

Chasa hinghobu kop ang nang ma mongtsukya tüikya daile, pangnu thakma ibu füi müimüithom zing angkya nang azong among angkya changle.

1 TIMOTHI 4:13

Ku mangui-manguile, nang hanpakma hia azongkya noknu hato Otsao Lai ekya üntoxle hwon-anokya hia anwot-anokya mwot to sütle ngokox.

JUD LAIZA 1:20

Ikoxlechu kutüi-kunaohom, hünzom a, ataxle tsaokya mongong ma ma alüile tsakzong ang tomhüi. Otsao Chasa tsakzong ma zangjop kox,

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

EFISIA 6:22

Kwom chemle ngopuix ija kaxho fa ang tamchu hünzom ang zong adün angkya le, ipue kue chix hünzom hato tsanle akatpu.

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

TITA 2:6

Ilailaile tsünzünbu angchu ma akumathum le tüi angkya kaxkhün laxkox.

1 KORIN 14:31

Noke tsingle lax ilaxle pangwüi ang zong adün angkya hanpakma, hünzom pangnusae wüi Zang kaxho tsüilüile akax ang tsuaküi.

1 KORIN 14:26

Tüinaohom, ku kax a ija changle: Hünzom Zang shwom ang asoxkya zuma, khünak tuita tsai lom ma dan, ata mix a hwon-nwot jaono angkya lom ma dan, ata mix a Zange angaile ahokya ngün angkya olom ma dan, ata mix a chitsingkya kax ma kaxho kop angkya lom ma dan ilaxle mama mix a chem akaxpuix ija taile apua angkya olom ma dan. Ibu pangnu wüi müimüithom fün amüile fong angkya hanpakma changkoxle müiüi.

ROM NOK HATO ZAKYA POL LAIZA 14:19

Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

WANGSHEMBU MWOT 13:15

Mosa wanlom angkya hia ajebu lai angkya e üntoxle sinagok angkya alixachonge hokhi hato kaxhole thüi: “tüinao nyi, hünkhi ma zong adün angkya kax chemchem jangtüi thüiningle kwome, khünaknu füi hünkhi tam namakaxbae le textüia.”

TITA 2:9

Dabue ma tsün hopunubu chak to koxle puinai angkya ilaxle pangnu lom ma hwom mong amüi angkya changle. Hwom kax to kaxnong chifaüi chichangba ahux-chakchuxle chichangüi.

1 THESALONIKA 2:3

Kwome hwon anokya ma chisukya mongjang hia ochax tutex chemchu chitüikya, chichang thüiba kwome owawa dyen-ngan ang azongkya chemchu chitüikya.

1 KORIN 10:23

Pangnu li mok ang tsuaküi, ikoxle pangnu li ma lap tüi angkya le münchang. Pangnu li mok ang tsuaküi, ikoxle pangnu lie wüi fün amüiüi le münchang.

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

IBRI 13:22

Ku zuikhuihom, chingchalaxle ija zongdün kaxho to adule apahüi; chemthüikoxle hünzom hato ija ku laiza aluile lokyanu münchang.

IBRI 10:25

Züizüie mokle hüi ngokya ningle, keme tata füi apong asaole ngokya wanlom taxamüt hax. Itülüi, keme sisile mix keme tata ang zong adün hax, chemthüikoxle Jowanpa hanpak chwonle hüingole.

TITA 2:15

Hünzom kax to apakyabu zong adün pongma tamchu hwom to sa pongma ibu anwot-ano ilaxle hünzom apün-adakya komkaile twonkox.

1 TIMOTHI 6:2

Da opang ang hopunu khristanbu changlaxpuix, hwome ma hopunubu wünahai le taxchang, chemthüikoxle hwom a tüinaohom changle. Itülüi, ibue mix sümüi le hwom thotha angkya changle, chemthüikoxle opange hwom mwot makhange lap koplaxpuix ibu a hwome mongkünkya mongong khünakbu changle. Nange ibu apua angkya tamchu anwot-ano angkya changle.

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

2 THESALONIKA 3:12

Jowanpa Jisu mün ma kwome khünak ibu ang haxmüi zangmale ngo angkya tamchu ma wok tux ang mwot mokle chang angkya kaxtom fapu.

1 THESALONIKA 4:18

Idaile ibu kax füi tata mong achenle ngolax.

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

1 THESALONIKA 2:11

Hopa tuitae naosa to humekya ningle kwom hünzom zongto tüikya hünzome awanle ngopu.

KOLOSI 4:8

Kwom pangnusa wüi chemle tüilaxpuix ibu hünzom hama wünlaxle hünzom ang mongmüi adün angkya kuxmale kue chix hünzom hato akatpu.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

2 KORIN 2:7

Ikoxle athax a, mongtsik athukkya zuma aküile chihu le chix chatle nakmax le chix azün angkya hanpakma, hünzome chix ang thailak fa angkya ilaxle mong achen angkya changle.

2 KORIN 1:4

Chixe kem sikngün pangnu to fongle hüi. Idaile, fongkya ija Zange kem ang fakya füi, kemechu mix, sikngün ma ngokyabu to fong ang tsuakle.

1 KORIN 14:17

Changle, nange haxmüi zangmale Zang achuak ang tsuak, ikoxle mama mix fün amüi angkya ojao müntüi.

1 KORIN 8:1

Athax, chapa ang koxkya süt bama hünzome zakya a ile: Changle, kwome wünkya ningle kem pangnu ma wüi je-hwom tüile. Ikoxlechu iningkya je-hwone khünak tuita ongam füi tsaichong-kaxbong ang koxle; ikoxle mongküne zong adünle.

ROM NOK HATO ZAKYA POL LAIZA 15:2

Itülüi, kem pangnusae wüi, chix zongma naxmüi le, chix mongong ma zong tüikya khristan tuita ang zing ang matüi manao mong amüi angkya changle.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

WANGSHEMBU MWOT 15:32

Judas hia Sila, opang aje changkya hex, hokhie tüinaohom ang zong adün ilaxle mong achenle ozulole zangwün.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

KAXHO MÜIKYA LUK 3:18

Malili lom tokhange Juhan-e hwom hama hwon-anole mongchat angkya zong adünle Kaxho Müikya apuk.

IBRI 3:13

Itülüi hünzom opupuchu ochaxe dyenkya mongkhüi ang chichang angkya bama, Otsao Lai-e “Anyix” thüikya kaxhuak kem zong to twonle ngokya kople hünzom tata füi nyixfokya to afong-atsoxle tüi angkya changle.

WANGSHEMBU MWOT 4:36

Ilaxle ikhama Jusep le amünkya Saipras shuazo to puxkya liwi sün tuita tüikya, owa ang wangshembue Barnaba (thüikoxle zong adünkya mix) le nyak;