1 KORIN 13:4 - OTSAO BAIBEL (BSI)

⁴ Mongkün a mong chingwomkya changle; mongkün a zalokya chichangba tsaichong-kaxbongle tüikya münchang;

1 KORIN 13:4 ပူးပေါင်းရင်းမြစ်များ

1 PITAR 4:8

Pangnusa thakma, tata to chizakle mongkün tüilax, chemthüikoxle mongküne tüpong tüpongkya ochaxbu to chwop khom ang thole.

EFISIA 4:32

Itülüi Khrista makhange Zange hünzom ang thailak koxkya ningle tata zongto chingchajaja hia jonai ma ngolax.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

WANWÜNKAX 10:12

Miktsake hyet adünle, ikoxle mongküne ma zongto thaikya pangwüi alakle.

1 JUHAN 4:11

Ku mongkün tüinaohom, Zange kem to ile künkya jangchang thüiba kemechu tata to mongkün angkya changle.

WANWÜNKAX 17:9

Nange ma to khünaknue luakya lomkya jangchang, ma zongto thaile changpongma hwom ang thailakkya tüikox. Thaikya oli mong ma koplax ngokyae zuikhui füi fang angkya alai tsuakle.

1 PITAR 3:8

Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

2 PITAR 1:7

otsao to khristan künkak mongküne bo; khristan künkak mongkün to mongküne bo; le chang angkya hanpakma hünzome tsuakkya apongle azongle moklax.

EFISIA 4:2

Othuithuima puinaikya, somdangkya, ilaxle adukya tüikox. Tata füi adukya tokhange hünzome künkak mongkün ahokox.

2 KORIN 6:6

Kwom tsaothakya, tsingwankya, adukya tamchu chingcha jajakya tokhange kwome kwom alüile Zang dabu changpu le ahopu. Ija Otsao Chasa, kwom otsingtsing mongkün, tamchu Otsao Chasae otsingtsing ma mix to künkya mongküne,

WANWÜNKAX 19:22

Osing-nüfux tüi angkya a müikya oli münchang; Kaxthai zangwünkyabu füi zasa ang ngokya wüi sümüi.

KOLOSI 1:11

Hünzome pangnu li to thuakjokle adu tho angkya hanpakma, chix fuazang zong makhange hüikya zong pangnu füi hünzom tsakzong le naxchang.

GALATIA 5:26

Kem chingamüi, tata mong chiatsiküi tamchu osing-nüfux chitüiüi.

1 KORIN 4:6

Tüinaohom, hünzome khünak tuita chima selaxle mongngam ikoxle ata khünak a ema jao chilaxle ahaile chichang angkya, tamchu lai ma zale wanlom tandaokya ozya kaile chichang angkya bama hünzome awanle kop angkya kuxmale, Apolo kukhi ma apyen laxle ibibi kax zale fadaoa.

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

2 TIMOTHI 3:10

Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

WANWÜNKAX 31:26

She-e somdangle jekax-hwonkaxkax wüi akaxle.

WANWÜNKAX 31:20

Mixshix hia zasabu zongto she chaktom dale tüile.

WANWÜNKAX 17:14

Tsetwon-khualop zangwün owang wangkya a tuita tsyen dap angkya tilom züile tilyet owang wangkya ningle changpu; alüile zia mama-maba wüi ija azaklax.

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

1 PITAR 2:1

Jowanpa ipongpongle müikya hünzome wanle jang anodao thüiba, chimüikya oli pangnu, atsekya pangnu, künkux-mongkwom, osing-nüfux üntoxle tsaima-kaxshix pangwüi awütdao.

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

1 KORIN 3:3

chemthüikoxle athax kople hünzom chaxwannu khünak ngwot ma ngotan changle. Ongai hünzome tata to atsak akhu puix ilaxle atsi-alaxpuix, ijae hünzom chaxwannu chifün ma ngolaxle zangjang khünak ningle müi-hi-aji ma tüile le ahokya münchang hexnyi?

WANGSHEMBU MWOT 7:9

“Ija putong hwome Jusep to miktsak, ilaxle chix a Ijip nok to da ang hangle apao. Ikoxlechu Zang chix füi tüikya.

HWON-NWOT-JAONO 10:4

Nang pünpa-chongwang nang füi ma-shixle jangtüi, nange nang mwot danle taxtox; nang dangle jangchang thüiningle zongbakle thaikya ngaxchu alak ang tsuak.

WANWÜNKAX 13:10

Künngam-mongngame tingtui adünkya boma chemchu münalan. Anwot-anole fakya lomkya a jetüi-hwonlangkya changpu.

MÜNCHUAK-TSAI 10:5

Chichangchizangkya khünake pangnuli tsuak. Hwome Zang kaxfün bama ojao chiawantsuak; hwome hwom zanpabu tsünle.

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

1 TIMOTHI 6:4

Ija a mongngam saxfolwot boma mama awankya chemchu müntüi. Kax bama aling alan angkya ilaxle ahe-atsi angkya chimüikya mongzok kax chix ma paxle, ilaxle ijae miktsak mongngwom, alakya, adix-adakya, ochax mongao, ibu alaile,

1 KORIN 8:1

Athax, chapa ang koxkya süt bama hünzome zakya a ile: Changle, kwome wünkya ningle kem pangnu ma wüi je-hwom tüile. Ikoxlechu iningkya je-hwone khünak tuita ongam füi tsaichong-kaxbong ang koxle; ikoxle mongküne zong adünle.

ROM NOK HATO ZAKYA POL LAIZA 1:29

Hwom a. Oma, nüfux, ilaxle tata zongto tüikya, iningkya chichang-chizangkyabue awang; miktsak khangsyen, alang ahuak, achax-azan, dyen-ngan, üntoxle mix fün amakyabue amün laxle hwom ngo.

PONGWANG LAIPEX 37:11

Jusep to hotüi-honao hwome miktsak ikoxlechu hopae ibu zangwün komle chix mongkha to thom ilaxle mongzangwünle ngo.

JAKOP 4:5

“Zange kem ma ngo ang tomkya chasa to Zange tüle akhüixle”, le thüikya Otsao Lai kax kaxbi ngaoba le taxlax.

1 KORIN 4:18

Hünzom hato ku tamchatle chinguiüi tukuxle hünzom khama züizüi ongam to tüile.

ROM NOK HATO ZAKYA POL LAIZA 13:13

Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax.

KOLOSI 2:18

Othai to puinai le ahokya üntoxle kaxtaimixbu to shwomkyabu opange ataxkya mikngün ohün tüidaoa le akhokya changpu le thüilaxpuix, iningkya mix owa angchu nang thajao ang taxtom. Chemthüikoxle iningkya mix a tüta khoma lüchu chichangle chix müi-hi-aji mongjang makhange mongngam ahole,

FILIPI 1:15

Changle züizüie Khrista-e apuk apuakya a nüfux hia hyet lomle mokkya changle, ikoxlechu mamabue a otsingtsing mong füi mokkya changle.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

1 KORIN 5:2

Hünzom ang mong mazya! Ikoxle hünzom ngam ang mix süt ang hi? Iningkya mwot owae mokdao laxpuix chix hünzom kha angkya atsaidao.

MATHI 27:18

Jehudi nok pünpa-chongwangbue Jisu Khrista a chix ang owüiole koxdaoa le tsing; chemthüikoxle hwome chix to miktsak.

PONGWANG LAIPEX 30:1

Ikoxle Rachel-e Jakop ang naosa tuita ngaxchu pux-paile chichang, ilaxle she-e hona to khax-khu laxle Jakop ang thüi: “Ku ang naosom atüihüi, ile chichangba ku ziüi.”