1 KORIN 13:13 - OTSAO BAIBEL (BSI)

¹³ Ipongma mongong, monghom ilaxle mongkün ma akiaüi; ilaxle ibu khama akhokya a mongkün changpu.

1 KORIN 13:13 ပူးပေါင်းရင်းမြစ်များ

1 KORIN 16:14

Nange mokkya pangnu wüi mongkün makhange moklax.

KOLOSI 3:14

Üntoxle ibu pangnu to mongkün, ojae pangnu li ziakho nguikya notom ma khale thompuix, ijae bokox.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

FILIPI 1:9

Tsingwankya hia asukhakkya kaxfün füi tomle hünzom mongkün ma otsün-otsünle tsonghüio le kue joppu;

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

1 JUHAN 2:10

Owawae ma tüinao to mongkünle jangchangba, chix zangngai ma ngole, idaile owawa ang ochax lyen ang tomkyali chix ma chemchu müntüi.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

1 KORIN 8:3

Ikoxle owawae Zang to mongkün jangtüi, Zange chix awanle.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

1 JUHAN 3:9

Zang jaopo chix ma ngoün koxle, owa Zang Hosa changlaxpuix, chixe ochax lyenle münngo; üntoxle Zang chix Hopa changün koxle, chixe ochax lyenle ngo ang müntho.

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

1 JUHAN 2:14

Kusu kusahom, hünzome Hopa awan koxle kue hünzom hato laiza ngopu. Apu-apahom, pongwang tokhange wüi, tüile ngokya mix; hünzome awankya khoma, hünzom hato kue laiza ngopu. Tsünzünhom, Zang kax hünzom ma ngo; hünzome ochax to lüttsuak koxle, hünzom tsakzong le tüikya khoma; kue hünzom hato laiza ngopu.

IBRI 6:19

Khosün tüile le ongkya ija monghom a kwom chasa hanpakma fakbüi tuita ningle otsak ozong hia mongong chongkya changle.

2 TIMOTHI 1:7

Chemthüikoxle Chasa oja Zange kem ang fapuix, chixe kem thünbat chitsuakkya mix ang münachang; itülüi, chix chasae tsakzong, mongkün ilaxle malualua to akumathumkya füi awang ang koxle.

IBRI 6:11

Hünzom pangnusasae wüi ma küntsu monglua oshuk alople thom angkya kwom mongtex, ikoxle tix hünzome monghom ngokya oli changle naxhüi fa ang,

2 KORIN 5:15

Chix a noknusa hanpakma zipu, idaile ozün ma tüikyabu ma hanpakmale chingoüi, ikoxle hwom hanpakma zilaxle chatle azangle zokya Khrista hanpakma ngoüi.

1 KORIN 14:1

Athax, achuale hünzom zik angkya a, mongkün ha alop angkya hanpakma changle. Chasa ma hingho, tamnüilechu Zang kax apuk-apua angkya hingho kop angkya to nang mong ma mongzaokya tüilax.

1 KORIN 3:14

Owawa khünake takya hom wün to chishunle otya na jangngoba, zingkya mixe chix mwot müikya otha kopüi.

1 JUHAN 2:24

Ikhoma pongwang tokhange atatle hüikya kaxho hünzome mong ma kople thom ang ole thüilax. Hünzome ija kaxho mong ma kople jangthomba hünzom a Hopa hia Hosa nyi füi jento notom le ngoüi.

KAXHO MÜIKYA LUK 22:32

Ikoxle Simon, nang mongong thaile chinui angkya hanpakma kue nang bama jopdaoa. Ilaxle otue nang ku hato chatüihex, hüntüi-hünnao hwom ang nange zong adün angkya changle.”

KAXHO MÜIKYA LUK 10:27

Ija mixsüne lan: “Nang mongtsange abakle, nang chamuae abakle, nang tsakzonge abakle, üntoxle nang khangkae abakle, Jowanpa nang Zang to mongkünlax; üntoxle nange ma tukux tomzi to künlax.”

IBRI 10:39

Kwom a anongle chat üntoxle samle maxkya khünaknu münchang. Itülüi, kwom ma mongong tüile üntoxle khosünle tüile.

1 KORIN 8:1

Athax, chapa ang koxkya süt bama hünzome zakya a ile: Changle, kwome wünkya ningle kem pangnu ma wüi je-hwom tüile. Ikoxlechu iningkya je-hwone khünak tuita ongam füi tsaichong-kaxbong ang koxle; ikoxle mongküne zong adünle.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

IBRI 10:35

Idaile hünzom ang mong taxmax chemthüikoxle ijae ma füi tomle chongkya hingho laxlaxle ngoüi.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

MÜNCHUAK-TSAI 42:11

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thomüi, üntoxle anaolechu kue chix achuaküi, ku khosünpa üntoxle ku Zang.

MÜNCHUAK-TSAI 146:5

Hwom to fong ang owapange Jakop Zang koplaxle tüipuix, opange Jowanpa hwom Zang to onglaxpuix,

MÜNCHUAK-TSAI 43:5

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thompu, üntoxle kue chix tamchatle achuakpu, ku khosünpa üntoxle ku Zang.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.