1 KORIN 13:12 - OTSAO BAIBEL (BSI)

¹² Athax keme chem ngünpuix, ija a chahu mongto ocha ngünkya ningle changpu; ifüima keme thünkhang asaole ngünüi. Athax kue chem tsingpuix ija a süifi-süitex; ifüima kue tsingle ngokya ningle ibu pangnu komkaile tsingle laxüi.

1 KORIN 13:12 ပူးပေါင်းရင်းမြစ်များ

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

FILIPI 3:12

Kue tholün daoa chichangba okhonguikya mix ang achangdaoale otuechu münala. Ikoxle Khrista-e oja ku chix hato kople tsuakdao laxpuix, ija hingho ataktsuak angkya hanpakma ku azongle wüi ngopu.

MIKNGÜN-OHÜN 22:4

Hwome chix thünza ngünüi, ilaxle hwom khangpongbu ma chix münwan zaüi.

JAKOP 1:23

Kax apa zaza laxle mwot ang achangle chimok thüiningle nang a süntsing to hulaxle, chemle tüipuix ilailaile, ma alüile ngünle laxkyabu füi tuita.

2 KORIN 5:7

Chemthüikoxle kem tsün a mikngün füi chichangle mongong füi ngopu.

MATHI 5:8

“Kün mong tsaothakyabu mohiman; hwome Zang ngün ang kopüi!

1 KORIN 8:3

Ikoxle owawae Zang to mongkün jangtüi, Zange chix awanle.

ROM NOK HATO ZAKYA POL LAIZA 8:18

Iponge kem sikngünle ngokya a athax füichi ma kem hato angaile aho angkya fuazang füi ojao apyen angkya münchangle keme ele.

HUAKE LAIPEX 12:8

Idaile kue chix füi thün-khang asaole tamchu tsaisong-kaxnong ma chichang homtoxle ngaithole zangwünpu; chixe kusün-kujo ngaxchu wüi ngünle laxdaoa! Ikoxle ku dapa Mosa zongto chichangle zangwün ang hünzom ang chem mongchong laxpu?”

PONGWANG LAIPEX 32:30

Jakop-e thüi: “Kue thün-khang asaole jao Zang ngün ang kopdaoa, ikoxlechu athax kople ku ozün ma ngopu.” Ikhoma chixe ijakha ang Peniel le nyak.

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

JUHAN 10:15

ilailaile kue ma chunbu awanle ilaxle hwomechu ku awanpu. Ku tsün a chunbu hanpak ang dan kox ang tsupu.

LAIPAO 33:11

Jowanpae Mosa füi thün-khang asaole akax.

EZEKEL 17:2

“Ziün angkya khünak, Israel nok hama kaxpan tuita akaxle

JOB LAIPEX 19:26

Ku khwon mak-chak füi saxle komdaokoxchu, Tsangtsa max-samüi thoto wüi kue Zang ngünüi. Kue Zang ngün ang kopüi.

JOB LAIPEX 36:26

Keme chix chongkya komkaile tsinglax ang müntho chichangba chix zangpua e ang müntho.

1 KORIN 13:11

Ku naosa ma tüitanto, ku zangwün, mongtex tamchu thütpankya, ibu pangnu naosa tuita tutex ma tüikya; ikoxle athax ku mixmüi ang achang daoa, kue naosom zanglom ibu dantox daoa.