1 KORIN 12:9 - OTSAO BAIBEL (BSI)

⁹ Ija chasa tuitatae wüi tuita ang mongong hingho koxle, ilaxle mama mix ang kak amüi angkya hingho koxle.

1 KORIN 12:9 ပူးပေါင်းရင်းမြစ်များ

2 KORIN 4:13

Otsao Lai-e akax: “Ku mongong tüikya khoma kue akaxpu.” Ija chasa tuita mongong ma kwomechu kwom mongong tüikya khoma akaxpu.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

IBRI 11:33

Mongong makhange hwome chaxwannu füi azan ilaxle ibu to anao. Chem supuix hwome ija mok üntoxle Zang kaxtsao tüikya hwome atak.

1 KORIN 12:30

Ohünotün mwot mok angkya chichangba kaklak amüi angkya chichangba chitsingkya kax ma zangwün angkya chichangba chem akaxpuix ija taile apua angkya zong nok ma tüipule chichang.

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

MARK 16:18

Hwome pu kople apüi koxchu chichangba tüta ningkya zik-hing lingkoxchu, ijae hwom to ikuxsa ngaxchu sikngün münfaüi. Kakmixbu to hwome chak füi twonle hwom kakbu amüi koxüi.”

WANGSHEMBU MWOT 5:15

Wangshembue khomtsikya hia ohünotün mwotbu mokle ahokya makhange, Pitar leüima chix chaxba engax thüichu, züizüi to thüingaxchu lyenle naxtox le khünaknue kakmixbu lya hia dombu ma paile lomnu to alai.

KAXHO MÜIKYA LUK 10:9

ija tingnu angkya kakmixbu amüikox, ilaxle ikhama ngokya khünaknu ang thüikox, ‘Zang Wangting hünzom hato soxle nguile tüile.’

KAXHO MÜIKYA LUK 9:2

Ilaxle Zang Wangting bama kaxho apuk ang hia kaklak amüi ang ibibi kaxtom füi hwom apao:

MARK 6:13

Hwome haxshix chasabu huanuma jwonle apao tamchu olip münga füi pale kakmixbu huanuma amüi.

MATHI 21:21

Jisu-e lan: “Ija mong ma koplax; hünzome jangong thüiba tamchu mongao chitüi thüiba, kue ija fupsa pün to mokkya mwot hünzomechu mok ang thoüi; ija ning chem, hünzome ija haxhua füi, laox laxle chix lualua to tinu khato düt angkya ngaxchu akax ang thoüi ilaxle ija ile changkya changle.

MATHI 10:8

Kakmixbu amüikox; faikyabu amüikox; zidaokyabu azünkox; haxshix chasabu jwonle apaokox; hünzome amuale koppu, amuamua le laxkox.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.