1 KORIN 12:8 - OTSAO BAIBEL (BSI)

⁸ Chasae mixhuak tuita ang je-hwone awang angkya kaxho koxle, ilaxle ata mixsün ang ija chasasae wüi tsingwankyae awangkya kaxho koxle.

1 KORIN 12:8 ပူးပေါင်းရင်းမြစ်များ

WANWÜNKAX 2:6

Je-hwon koxkya a Jowanpa tix changle; tsing-wankya hia man-ngünkya chix makhange tix hüile.

2 KORIN 8:7

Khrista tokya mongong, Kaxho Müikya apuk-apuakya, otsingtsing tsingwankya, mwottho tha ang tsukya ilaxle hünzome kwom to mongkünkya, ibu pangnu lom ma wüi hünzom mixtho thoma tüile. Idaile, kue ija khristan mongkün chakzun mwottho machu hünzom wüi mixtho thoma naxsüt le texpu.

1 KORIN 1:5

Chemthüikoxle Khrista ma notomkya tokhange, dingdün zangwün hia hwon-je to lünle, hünzom pangnuli mawüi hakpa luapa ang achangüna.

MÜNCHUAK-TSAI 143:10

Nang a ku Zang changle; nang mongtex mok angkya ku hama anole fahüi. Ku zongto müihüi, ilaxle thomzün chitüikya lom to ku lomzunhüi.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

1 KORIN 13:8

Mongkün münashuk tox. Ajekyabu tüihule, ikoxlechu ibu a noxtakya hanpakma; chitsingkya kax ma zangwün angkya hinghobu tüihule, ikoxlechu ibu a zakünüi; je-hwon tüihule ikoxlechu ibu a dantox daoüi.

MATHI 13:11

Jisu-e hwom ang thüi: “Zangkangting huxsa zangwün tsing angkya hünzom ang koxdaoa ikoxlechu khünaknu ang ija chifa.

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

JOB LAIPEX 32:8

Ikoxle khünak hato nguilaxle hwom ang je-hwon koxkya a Khüthak Zang chasa tix changle.

LAIPAO 31:3

Kue chix to kutsak-kuzong füi awangle chang ang tompu. Kue chix ang tsing-wankya, man-ngünkya ilaxlechu chakzing mwot pangwüi moktsuak angkya zong koxpu.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

DANEL 2:21

Chixe otu-owan hia hanpak-zanghan pangwüi chix chak ma kople thomle; khünak züizüi chixe wanghom ang achang ikoxle züizüi a wanghom ang ngokya amüt; Je-hia hwon koxkya a chix tix changpu.

WANGSHEMBU MWOT 6:3

Idaile tüi-hi-naohom, Otsao Chasa hia hwon-je e awangle tüile le atsingshokya mix hünzomkha angkya mixsün anüt zünlax, ilaxle kwome hwom ija ngun-syen twon angkya mwot to süt ang tomüi.

ROM NOK HATO ZAKYA POL LAIZA 15:14

Kutüi kunaohom, awan-atsingkya pangnu ilaxle tata to anwot-ano ang tsuakle, müikya pangnue hünzom awangle tüile le ku monge ongkya tüile.

1 KORIN 2:11

Khünake chix bama pangnu awankya a chix ma tüikya chix Chasa makhange tix changpu; ija lailaile opaktikle Zang thwonlop angkya a chix Chasa etix changle.

1 KORIN 2:16

Otsao Lai-e akaxle, “Zang mongthwon owae lopdao? Chix a owae zünthoüi?” Ibachu, kem ma Khrista mongjang tüile.

1 KORIN 14:6

Kue, ma hato ngaile ahokya chichangba je-hwon chichangba Zang kaxho chichangba anwot anole adang fakya chiapüi homle hünzom hato kue chitsingkya kax ma akaxle nguikoxle kue hünzom ang lap chem fase.

1 KORIN 14:26

Tüinaohom, ku kax a ija changle: Hünzom Zang shwom ang asoxkya zuma, khünak tuita tsai lom ma dan, ata mix a hwon-nwot jaono angkya lom ma dan, ata mix a Zange angaile ahokya ngün angkya olom ma dan, ata mix a chitsingkya kax ma kaxho kop angkya lom ma dan ilaxle mama mix a chem akaxpuix ija taile apua angkya olom ma dan. Ibu pangnu wüi müimüithom fün amüile fong angkya hanpakma changkoxle müiüi.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

2 KORIN 2:14

Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

2 KORIN 6:6

Kwom tsaothakya, tsingwankya, adukya tamchu chingcha jajakya tokhange kwome kwom alüile Zang dabu changpu le ahopu. Ija Otsao Chasa, kwom otsingtsing mongkün, tamchu Otsao Chasae otsingtsing ma mix to künkya mongküne,

2 KORIN 11:6

Tun ma aluile tsai-kax süchidong lea tüiünkoxlax, ibachu tsingwankya olom ma ile münchang; kwome ija hünzom hama othuithuima üntoxle tütatuehex hünzom hama angai koxdaoa.