1 KORIN 12:3 - OTSAO BAIBEL (BSI)

³ Zang Chasae zunlaxle ahamkya mix owaechu “Jisu thomün-mwonün”, le münthüi tsuak ilaxle Otsao Chasae lom chizunkya mix owaechu “Jisu a Jowanpa changpu”, le ngai ang müntsuak. Ija hünzome awan kopkoxle müi angkya oli changpu.

1 KORIN 12:3 ပူးပေါင်းရင်းမြစ်များ

2 KORIN 3:5

Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

ROM NOK HATO ZAKYA POL LAIZA 10:9

Nang tun makhange nange: “Khrista a Jowanpa Changle”, le ngai üntoxle chix zidaokya Zange chatle azünpu le nang mong ma ongkya jangtüi thüiba, nang khosünüi.

JUHAN 13:13

Hünzome ku ang Nwotmix tamchu Jowanpa le nyakle; ija a hünzome otsingtsing wüi nyakpu; chemthüikoxle ku a ija changkya jao.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

JUHAN 15:26

“Ikoxlechu fongmix, oja Otsao Chasa, owae Zang otsingtsing ngaile aho angkya changpuix, tamchu owa Apa tokhange hüipuix, chix nguikya zuma, chixe ku bama kaxkhi fale zangwün angkya changle.

MATHI 22:43

Jisu-e atüi: “Jangchangba chem bama Chasae Dawid füi, chix ang Jowanpa le nyakle akax? Chemthüikoxle Dawid-e thüi:

MARK 9:39

Jisu-e hwom ang thüi: “Chix taxabax kox, chemthüikoxle ku mün ma ohünotün mwot mokkya mix a owaechu ochwon ma ku mo amale münwünüi.

1 KORIN 16:22

Owae Jowanpa to chikün laxpuix, chix to othuak ozom naxtüi! Maranotha: kem Jowanpa, nguihüi!

TSAITONG-KAXTONG 21:23

ija a zang angaile thom angkya oli münchang. Ija a inyixnyix wüi akhün angkya oli, chemthüikoxle khünak mang pün ma ashale thomkyae haxtok hato Jowanpa thuakzom apüiüi. Mang a akhünlax, ile changkox tix Jowanpa hünzom Zang-e hünzom ang koxle ngokya haxtok chitsaokya haxtok ang münachangüi.

2 KORIN 11:4

Kwome apuk-apuakya füi malili changkoxlechu hünzome Jisu bama hwome apüikya kaxho to ong! Hünzome kwom makhange kopkya Otsao Chasa oja hex, ija ngax chichang khato, hwome kaxtsao fakya chasa hünzome pongle laxpu! Ilaxle kwome apuk-apuakya füi chixlili changkoxlechu, hwome apuk-apuakya kaxho müikya hünzome pongle lax. Ile hünzom hato nguikyabu chak to hünzome ochwon ma hünzom dankya ngünlaxle ku abüt maxle.

ROM NOK HATO ZAKYA POL LAIZA 9:3

Hwom hanpakma ku a Zang thuakzom fangma ngo tamchu Khrista füi atsaile changkoxchu chem münchangle kue texpu.

MIKNGÜN-OHÜN 1:10

Jowanpa sedongkya nyix chasae ku awang, ilaxle ku nuakfüi tokhange nyazong tuita mütkya zing lailaile ozing zongkya tuita kue atat.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

JUHAN 13:14

Ku, Nwotmix tamchu Jowanpa-e athax hünzom ang cha sole koxpu; ilailaile hünzomechu tata cha sole kox angkya changle.

MÜNCHUAK-TSAI 109:20

Jowanpa, ku zanpabu to ile sikngün apong ang tomkox: ku zongto iningle chichangchizangle atsai-akaxkyabu to a!

WANGSHEMBU MWOT 8:37

Filip-e chix ang thüi: “Nange nang mong tokhange abakle jangong thüikoxle nang bapti ang tsuaküi.” Chixe lan: “Kue ongle, Kue Jisu a Zang Hosa changle le ongle.”