1 KORIN 10:22 - OTSAO BAIBEL (BSI)

²² Chichangba keme Jowanpa ma nüfux tüi ang koxsele hia? Chix füi kem wüi sütsak süzongpu le texpia?

1 KORIN 10:22 ပူးပေါင်းရင်းမြစ်များ

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

TSAITONG-KAXTONG 32:16

Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

IBRI 10:31

Ozün ma tüikya Zang chak ma dong angkya tüle zadün changle!

EZEKEL 22:14

Kue hünzom to mwot tsuakle mokkya zuma hünzom ma chachen-mongchen toxüi chichangba nang chak nwon ang thole hünzom ma janzüi tüiüile hünzome thütpia? Ku, Jowanpa Khüthak Zang-e ija akaxdaoa, ilaxle kue ija ku kax thom angkya changle.

HWON-NWOT-JAONO 6:10

Anyix changle hüikya pangwüi ile chang angkya hanpakma kaitanto wüi tsuakle thomkya changle, ilaxle kem pangnue awan ngopu, nange mafüi sütsak süzongkya mix füi otuechu ala ang müntho.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

ISAIA 45:9

Komhaxe ija tikjaomix füi alakya tüi ang chami, mamabu pangnu füi talailaile tikkux tuitae a? Komhaxe jaopupa ma chixe chem mokpule atüichami? Komhaxe ija jaopupa ang ojao münman le kaxthup-ngaotün ang chami?

MÜNCHUAK-TSAI 78:58

Hwome hwom songsaribu bao shwomnuibu makhange chix mongtsik ang tom, ilaxle hwome chapabu makhange chix tüle shix-ma ang tom.

JOB LAIPEX 9:4

Zang je hia tsak-zong füikya changpu; chix füi alünle ajong ang owaechu münthopu.

JIHUSUA 24:19

Jihusua-e khünaknu ang thüi: “Ikoxlechu hünzome Jowanpa thothale chang ang chitho tüilax. Chix a otsao Zang ilaxle chixe hünzom thaikya ochaxbu alak ang chithoüi. Chixe chix zan to kakyabu füi adu ang müntho,

TSAITONG-KAXTONG 6:15

Hünzome mama baozangbu to shwomle jangchang, hünzom hato Jowanpa mongtsik wün ningle nguiüi ilaxle hünzom komkaile amütüi, chemthüikoxle Jowanpa hünzom Zang-e, athax owa hünzom füi ngole tüipuix, chixe chix zongto zanpabu füi münadutsuak.

TSAITONG-KAXTONG 4:24

chemthüikoxle Jowanpa hünzom Zang a ole füikya wün ningle changpu; chixe chix füi apüile changkya oli chemchu münadutsuak.

LAIPAO 34:14

“Mama baozang tütatochu taxshwom, chemthüikoxle ku a ma zanpa chishan tsuakkya Jowanpa changle.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

1 WANGHOMBU 14:22

Judah angkya khünaknue Jowanpa zongto ochax lyen ilaxle hwom pupa hwom to kaile hwom füi Jowanpa ang mongtsik angkya lai.

JEREMIA 7:19

Ikoxle hwome mong amakya otsing tomtata ma ku changchami? Münchang, hwome hwom to alüile mak-khapu ilaxle alüile hwom hato wüi thünzak apüipu.

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?