1 KORIN 10:20 - OTSAO BAIBEL (BSI)

²⁰ Münchang! Kue a, tö oja songsaribue koxpuix, hwome Zang ang koxkya münchang ikoxle bao ang koxpu, le thüiwüi. Idaile hünzom baobu füi üitho ang achang angkya to kue münlua.

1 KORIN 10:20 ပူးပေါင်းရင်းမြစ်များ

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

2 PUKAX-PANGAO 11:15

Jeroboam-e chix lualua to zompu-zangpabu kam ilaxle songsaribu baozang to shwomkya nui to mwot mokle chang ang tom ilaxle baobu hia maihu lailaile zingkya chapabu to shwom ang tom.

LIWI 17:7

Zwon ma amuakya baobu ang kothofa to müilang laxle tö koxle, athaxpi Israel khünaknu ang Jowanpa to mong chiongle chitüi angkya oli münchang. Füichima Israel khünaknue ija wanlom a jento thom angkya oli changpu.

MATHI 4:9

“Chikux athong laxle nange ku to jangshwom thüiningle, ibibi pangwüi kue nang ang faüi”, le baoe akax.

GALATIA 4:8

Ledaokya wan ma hünzome Zang chitsing homtoxle ngole hüi, ikhoma hünzom Zang chichangkyabu chak to da ang ngole hüi.

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

MIKNGÜN-OHÜN 2:20

Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.