1 KORIN 10:16 - OTSAO BAIBEL (BSI)

¹⁶ Jowanpa fongsüt ma keme twonkya wansa oja hanpakma keme Zang ang münchong fapuix; ija angkya keme lingkya zuma, keme Khrista aji ma süntswonpu. Ilaxle keme ashikkya an; otue keme ija saxpuix, keme Khrista tsangtsa ma süntswonpu.

1 KORIN 10:16 ပူးပေါင်းရင်းမြစ်များ

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

1 KORIN 1:9

Zang owae hünzom, chix Hosa Jisu Khrista füi notom ang nyakpuix, chix to mongong angkya changle.

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

WANGSHEMBU MWOT 20:7

Hat azok ma kwom tomle fongsax ang asox. Chix ofüi nyix wüi pao angkya daile Pol-e khünaknu hama ozulole tsüdang kople apua-anole ngo.

1 KORIN 12:13

Ija lailaile, kem pangnusa, Jehudi nok wüi changlax chichangba mixnok wüi changlax, tuita Chasa makhange tompo tuita ma bapti laxkyakya wüi changpu; ilaxle kem pangnusa ang wüi tuita Chasa ti ling ang koxle.

WANGSHEMBU MWOT 20:11

Ifüima chix homdingkho to donglaxle an ashik, ilaxle mongong mixbu füi tomle sax. Hwom füi zanghan chüdün kople zangwünle ngo laxle Pol achex.

KAXHO MÜIKYA LUK 22:17

Ifüima chixe wansa tuita lax üntoxle münchong koxlaxle thüi: “Ija koplax, ilaxle hünzom khama ahanlax;

1 KORIN 10:15

Kue jetüi hwonlangkyabu ningle akaxpu; ija ku kax bama nange azut ajang tsuaklax.