1 KORIN 10:14 - OTSAO BAIBEL (BSI)

¹⁴ Idaile kue mongkünkya zuikhuibu, chapabu shwomkya füi atsaile ngolax.

1 KORIN 10:14 ပူးပေါင်းရင်းမြစ်များ

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

1 JUHAN 5:21

Kuli-kunaohom, ma alüile othai zangbu chak tokya azünle thomlax!

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

1 KORIN 10:7

Hwom züita ningle chapa to shwomkya mix ang taxachang; ija zale tüikya ningle: “Khünaknu sax-hi-ling ang thung ilaxle azüi ang laoxle zo.”

2 KORIN 11:11

Kue ija a hünzom to chikün chilua laxle akaxpia? Kue hünzom to künkya Zange awan ngopu!

ROM NOK HATO ZAKYA POL LAIZA 12:19

Kutüi kunaohom, otuechu olüix taxkhom, itülüi ija Zang mongtsike wüi naxmok kox. Chemthüikoxle Otsao laie akaxle: “Olüix kue khomüi, otha kue thomüi le Jowanpa-e akaxle.”

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

2 KORIN 12:15

Hünzom to fong ang kuma atüitüi, ku to apüile ashix angkya ku zongma omüimüi wüi. Kue hünzom to onüi akhex koxle hünzome ku to sühixle mongkünüi hia?

FILEMON 1:1

Khrista hanpakma kun ma tüikya Pol hia kwom tüinao Timothi nyi tokhange: Jowanpa mwottho ma üitho tamchu zuikhui Filemon,

2 KORIN 12:19

Pongwang tokhange wüi kwome hünzom thüntho ma kwom khangkho zang angai ang lomle ngopule hünzom mongto ajanglechu ngoüntüi lax. Ile otuechu münchang! Kwome wünkya zangwün pangnu Zang pomtho ma Khrista mongtex ma wünpu, ilaxle mongkün zuikhuibu, kwome mokkya pangnu wüi hünzom to fong ang mokkya changwüi.

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

1 KORIN 5:11

Ikoxle kue akaxkya kax a ija changle: Owawae tüi-hi-nao changpu le thüilaxle chinunchakkai, osing nüfux, chapa shwomkya, chakmok janlang, jutok saxngat, ohux-otse, iningkyabu füi awonle ngokyabu ang thüiwüi. Hwom füi tomle thung laxle saxlingle jao taxchang.

1 KORIN 10:15

Kue jetüi hwonlangkyabu ningle akaxpu; ija ku kax bama nange azut ajang tsuaklax.

1 KORIN 10:19

Ija ku kax a, chapa chichangba ija ang koxkya süt lita thakho nguile le thüikya kax changdaicha?

IBRI 6:9

Bachutix tüinaohom, kwome ile akax koxlechu, kwome hünzom to mong münao, hünzom khosün kux ang tüikya sümüikya mohiman hünzom ma tüile le kwome awanle ngopu.