1 KORIN 1:9 - OTSAO BAIBEL (BSI)

⁹ Zang owae hünzom, chix Hosa Jisu Khrista füi notom ang nyakpuix, chix to mongong angkya changle.

1 KORIN 1:9 ပူးပေါင်းရင်းမြစ်များ

2 THESALONIKA 3:3

Ikoxlechu Jowanpa a chialekya Zang changle, ilaxle chixe hünzom ang tsakzong koxüi tamchu chisumüikya chak tokya hünzom khosünüi.

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

1 KORIN 10:13

Nok hato chihüikya thwontsing nang tata hato ahuakle tüma hüi. Zang to mongao angkya müntüi, ilaxle nang ma tüikya zong tok to tsakkya thwontsing chixe otuechu hüi ang münfa, ikoxle nang to thwonle anokya zuma, chixe nang ang adu tsuak angkya zong faüi, ilaxle paole azang angkya olom daple koxüi.

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

MÜNCHUAK-TSAI 100:5

Jowanpa a müikya changle; ilaxle chialekya chix mongong oshuk chitüile ngoüi.

HUAKE LAIPEX 23:19

Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.

2 KORIN 1:18

Zange otuechu thaikya zang chiwün, ija ningle, ku kaxtsaochu “Jo, jo” thüi üntoxle “Müno”, le chichang.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 JUHAN 4:13

Chixe kem ang chix chasa koxkya khoma, notom ma kem Zang füi tomle ngopu tamchu chix kem füi tomle ngopu, ija bama kem khosam müntüi.

IBRI 11:11

Chix azusong khato üntoxle Sarah chuwüi naosom ngui-wang angkya ozya kaile azu füima, mongonge Abraham hopa tuita ang achang ang tom. Chemthüikoxle chix tsaosüt otya ma thom angkya changle le chixe Zang to mongong.

ROM NOK HATO ZAKYA POL LAIZA 9:24

Chemthüikoxle Jehudi khünakbu kha angkya tata chichangle mixnokbu kha angkyachu wüi chixe nyakle kopkya kem changle.

ROM NOK HATO ZAKYA POL LAIZA 8:30

Idaile Zange, chixe süile dandaokyabu nyakle; ilaxle chixe opang nyak laxpuix, chix füi muamüi ang tomle; ilaxle opang chix füi muamüi ang koxpuix, hwom füi chixe chix fuazangchu wüi tomhanle.

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

2 THESALONIKA 2:14

Kwome apukkya Kaxho Müikya tokhange ija hato Zange hünzom nyakkya changle; kem Jowanpa Jisu Khrista fuazang ma hünzom süntom tswonle kop angkya chixe hünzom nyakkya changle.

JUHAN 17:21

Apa, chemle nang ku ma ngo, ku nang ma ngopuix, ija ningle hwomchu wüi kem ma naxngo. Nange ku tsanle ajopu le chaxwannue awan ang tom angkya kux male hwom tuita ang naxngo kox.

ISAIA 11:5

Chixe chix khünaknu to sukya kaxfün fakya hia müikya mün tüikya füi apünüi.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

EFISIA 3:6

Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

MATHI 24:35

Ding hia hax kaile leüi; Ku kax a tuitachu kaile münleüi.

GALATIA 1:15

Ikoxle Zange ku puxpaiüi thoto wüi zünle kop, üntoxle chix mwot mok ang sele lax.

1 KORIN 10:16

Jowanpa fongsüt ma keme twonkya wansa oja hanpakma keme Zang ang münchong fapuix; ija angkya keme lingkya zuma, keme Khrista aji ma süntswonpu. Ilaxle keme ashikkya an; otue keme ija saxpuix, keme Khrista tsangtsa ma süntswonpu.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

ROM NOK HATO ZAKYA POL LAIZA 11:17

Küithwom le alaikya Olip pün angkya okangsabu züizüi pakle awüt, ilaxle fao olip pünkang ija füi asople kox. Hünzom mixnokbu a ija fao olip pün thatha changpu; ilaxle athax hünzome Jehudi nok tsün ma ahak-aluakya hia otsak ozong ahanle lax ngopu.

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

2 TIMOTHI 2:13

Kem mongong chitüi le changkoxchu, chix ma mongao angkya müntüi; chixe ma thaikya ang münachang tsuak.”