1 KORIN 1:8 - OTSAO BAIBEL (BSI)

⁸ Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

1 KORIN 1:8 ပူးပေါင်းရင်းမြစ်များ

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

KOLOSI 1:22

Ikoxle athax a chix Hosa müi-hi-aji ma zi ang koxkya makhange, otsao ma, ofwot chitüile tamchu thaikya kha chitüi le chix ngwotnui to apüi angkya hanpakma Zange nang chix zuikhui ang achangle.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

2 THESALONIKA 3:3

Ikoxlechu Jowanpa a chialekya Zang changle, ilaxle chixe hünzom ang tsakzong koxüi tamchu chisumüikya chak tokya hünzom khosünüi.

EFISIA 5:27

Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.

ROM NOK HATO ZAKYA POL LAIZA 16:25

Zang ang fuazangkya koxhax! Khrista bama kue apukkya Kaxho Müikya ningle, üntoxle kaile pupa tsün tokhange wüi pyenle thomkya otsao otsingtsing ngaile ahokya ningle, chixe nang mongong ma shingmongle ajong ang koxtsuak le.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

FILIPI 1:10

Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

ROM NOK HATO ZAKYA POL LAIZA 14:4

Owawa da bama kaxfün fa angkya nang a owa? Chixe chilün hia lünpuix ija bama kaxfün fa angkya a chix hopupa mwot changle. Ilaxle chixe lünüi, chemthüikoxle Zange chix ang lün angkya koxtsuaküi.

MÜNCHUAK-TSAI 37:28

chemthüikoxle chem supuix ija to Jowanpa mongkünle ilaxle chix to mongong thomkya khünakbu chixe danle müntox. Jento chixe hwom khosele, ikoxlechu chichang-chizangkya su-sabu a jwonle apaoüi.

2 PITAR 3:10

Ikoxlechu Jowanpa Nyix a ahuxmix ningle nguiüi. Ija nyix zangdingbu tüle-tüle ozing alai le azutle paoüi, üntoxle ding to tüikyabu tüle-tüle khamkyae ashunle amütüi, üntoxle haxwannuchu ikhama tüikya zünmok füi afomle maxüi.

2 KORIN 1:21

Hünzom füi tomle kwomchu wüi Khrista füikya notom ma oshing mongle thomkya a Zang changle;

MÜNCHUAK-TSAI 37:17

chemthüikoxle Jowanpa chichang-chizangkya khünakbu tsak-zong pao angkya changle, ikoxlechu müikya khünakbu a chixe kho-awale kopüi.

2 KORIN 1:14

izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

1 KORIN 5:5

hünzome ija mixsün, chix tsangtsa ama angkya hanpakma bao ang koxdao, ile changkoxle tix Jowanpa Jisu Khrista zanghan dong Nyix chixe chasa khosün ataküi.

KAXHO MÜIKYA LUK 17:24

Tüchi tokhange tüchi kople nyanle ding to zangchang ajepkya ningle, Khünak Hosa din ma changüi.

KAXHO MÜIKYA LUK 17:30

Khünak Hosa ngaile ahokya nyixchu ile wüi changüi.

ROM NOK HATO ZAKYA POL LAIZA 8:19

Zang chakzing pangnue wüi Zange Hosa angaile ahokya ngün ang mong ma sungle tanle ngole.

1 KORIN 3:13

Khrista zanghan dongkya Nyix mixhuak nok mwot wüi ngün ang ataküi, chemthüikoxle ija nyix wün makhange noknusa mwot wüi angaile ahoüi; ile wün füi wanüi ilaxle ija chimüikya hia müikya oli otsingtsing ahoüi.

2 KORIN 1:13

Kwome hünzom hato hünzome awanle laxtang zapu. Ipongma hünzome kwom bama muale wüi tsingpu. Ikoxlechu otue Jowanpa Jisu hanpak nguile hüiüihex,

KOLOSI 2:7

Chix ma hünzom otsing mongle julax, chix ma hünzom khüzün tsün zinglax, ilaxle hünzom hama anwot-ano daokya ningle mongong ma zong südong-südong donglax. Ilaxle münchong fakyae awangle ngolax.

1 THESALONIKA 5:2

Chemthüikoxle Jowanpa hanpak zangnake ahuxmix nguikya ningle chang angkya le hünzome ipong müile awan ngopu.

2 THESALONIKA 2:2

Jowanpa hanpak athax changle le, Chasa makhange wüi changlax, kax makhange wüi changlax, kwom mün lünlaxle laiza ma wüi changlax, hünzom mong lele ma alox ang chikox angkya chichangba khosam chitüi angkya bama kwome hünzom ang thüipu.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

2 TIMOTHI 1:18

Ija nyix Jowanpa-e chix ang chix chingcha naxfa kox! Üntoxle Efisia ma tüipongmachu chixe ku hanpakma otukux mokdaopuix nange sümüile awan ngopu.