1 KORIN 1:30 - OTSAO BAIBEL (BSI)

³⁰ Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

1 KORIN 1:30 ပူးပေါင်းရင်းမြစ်များ

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

KOLOSI 1:14

chix a kem dan-pankya mix, thüikoxle kem ochaxbu thailak koxkya mix changpu.

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JEREMIA 33:16

Judah hia Jerusalem angkya khünaknu kho a sünüi ilaxle hwom a cha-ao-mongsao chemchu chitüile ngo ang kopüi. Ija tingnu ang ‘Jowanpa, kem Khosünpa’ le nyaküi.

WANWÜNKAX 2:6

Je-hwon koxkya a Jowanpa tix changle; tsing-wankya hia man-ngünkya chix makhange tix hüile.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

1 KORIN 1:24

ikoxlechu Zange opang nyakle kopdao laxpuix, Jehudi hia mixnok pangnu wüi, hwom zongto ija kaxho a, owa Zang tsakzong hia je-hwon hex, ija Khrista changpu.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

MIKNGÜN-OHÜN 14:4

Hwom a chinunchakkai chemchu chitüi le shekobu füi atsaile ngokya tsaothakyabu changle. Chix alele chito lele hwome Chun Hosa man to. Hwom a khünaknüsa kha angkya shakle kopkyabu changle. Hwom a Zang üntoxle Chun Hosa ang pongwang ole kox angkya thom changle.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

EFISIA 5:26

Tima sole atsaokya füima chix kax makhange müimüithom a Zang ang atsaole kox angkya kuxma chixe ija mok.

EFISIA 4:30

Üntoxle Zang Otsao Chasa mongtsik ang taxtom; chemthüikoxle Otsao Chasa a khosün nyix hanpakmale Zange nang to hopunu münwan chix shintop le thomkya changle.

1 KORIN 12:8

Chasae mixhuak tuita ang je-hwone awang angkya kaxho koxle, ilaxle ata mixsün ang ija chasasae wüi tsingwankyae awangkya kaxho koxle.

JUHAN 17:8

Nange ku ang akoxkox kaxho kue hwom ang koxdaoa, ilaxle hwome ija pongle kopdaoa; ilaxle ku a nang makhange hüikya changpu le hwome ongle.

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

EFISIA 1:14

Zange chem faüile tsaodao laxpuix, ibu keme kop angkya hanpakma Otsao Chasa a thathüt changle, ilaxle ija makhange, Zange chix kux ang ngokyabu ang dan-pankya anguile fa angkya changle le monghom fale. Keme chix fuazang achuak-hax!

1 KORIN 12:27

Athax hünzom pangnu wüi Khrista tompo, ilaxle ija ma mixhuak a omik ochak tupong changpu.

ROM NOK HATO ZAKYA POL LAIZA 8:23

Ikoxlechu Zang chakzing tata le münchang; kem opange pongwang angkya Zang hingho ningle Otsao Chasa koplaxle tüipuix, Zange kem chix susabu ang achang angkya ilaxle kem ozün abakle dan angkya tanle ngopongma kemechu kem mongsik ngünle akhongle.

ROM NOK HATO ZAKYA POL LAIZA 8:9

Ikoxle otsing tomtata ma Zang Chasa nang ma jangngo thüiba, nang ma müi-hi-aji kax ma laxle münngoüi; ikoxle chasae chemle akaxpuix ija kax ma laxle nang ngoüi.

ROM NOK HATO ZAKYA POL LAIZA 5:21

Ile tix, ochaxe zikya füi chemle apünpuix, ilailaile Jisu Khrista makhange kem oshuk chitüikya tsün khüzün lom ma zunlaxle Zang chingchae otsao füi apün angkya changle.

ROM NOK HATO ZAKYA POL LAIZA 5:19

Üntoxle mixhuak tuitae kax ma chilaxkya khoma khünakbu huanuma ochaxbu ang achangkya ningle, ija lailaile mixhuak tuitae kax ma laxkya khoma khünaknu huanuma Zang füi muamüi ang tomüi.

ROM NOK HATO ZAKYA POL LAIZA 4:25

Kem ochaxbu khoma chix zi ang kox, üntoxle Zang füi kem mua amüi ang chix chatle azün.

ROM NOK HATO ZAKYA POL LAIZA 4:6

Mwot chie homle, Zange atsaole pongle kopkyabu mongmüi bama Dawid-e akaxkya a ija changle:

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

MATHI 1:21

She-e sasün tuita puxüi; nange chix ang Jisu le amün angkya changle; chemthüikoxle chixe ma khünaknu hwom ochax tokya sünüi.”

HOSIA 13:14

Amalum pan chak tokya kue ibu khünaknu kho münsün chichangba zikmüt-mangkho chak tokya hwom münazün. Apüihüi hünzom kaklakbue, zikmüt-mangkho a! Apüihüi hünzom thamae, amalumting a! Athax kue ibu khünaknu to chingchajajale münchang.

DANEL 2:20

“Zang a chitsing-jaman tamchu tsak-zongle tüikya changle! Othuithuima chizakle chix mün achuak kox.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

1 JUHAN 5:6

Jisu Khrista a, chix baptikya ti üntoxle chix zikya aji füi hüikya mix tuita changpu. Chix ti tata füi nguikya chichang ikoxle ti hia aji monyi füi nguipu. Üntoxle Chasa chixe ija otsingtsing changpu le wünle, chemthüikoxle Chasa a otsingtsing.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

EFISIA 1:10

Ija mwottho, oja otu-owan nguile hüikya füi tomle Zange tsuak angkya hex, ija a Khrista okhang ang lax üntoxle Zang chakzing, ding hia hax ma otukux tüilaxpuix, ibu pangnu tuita ma asüi angkya changle.

1 KORIN 12:18

Ikoxlechu chix mongto thütkya ningle Zange tompo ma omik ochak malom-malom zingle alaipu.

ROM NOK HATO ZAKYA POL LAIZA 16:11

Jehudi khünak tomtom Herodion, ilaxle Narisa homkha angkya Khrista ma tüinaobu ang salam.

ROM NOK HATO ZAKYA POL LAIZA 16:7

Ku füi tomle kople thomkya tomwüi Jehudi khünak, Andronika hia Junia nyi ang salam; wangshembu ningle hokhichu noke tsingwankya nyi ilaxle ku tho towüi khristan ang achangkya nyi changle.

ROM NOK HATO ZAKYA POL LAIZA 12:5

Ija lailaile kem obiobi changkoxlechu, Khrista ma kem tompo tuita ilaxle tsangtsa angkya mik-chak ningle kem tata füi asop apongle ngopu.

ROM NOK HATO ZAKYA POL LAIZA 11:36

Chemthüikoxle pangnu li chixe tix zingpu, ilaxle pangnu li chix ma tamchu chix hanpakma tix chimax homle ngopu. Fuazangkya a othuithuima Zang kux wüi naxchang! Amen.

ROM NOK HATO ZAKYA POL LAIZA 1:17

Chemthüikoxle Kaxho Müikyae Zange khünaknu chix füi mua amüikya ngaile ahole; owang tokhange oshuk kople ija a mongong makhange tix changüi. Otsao Lai kax ma tüikya ningle: “Mongong makhange Zang füi owa muamüi laxpuix (chix) ozün ma tüile.”

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

JUHAN 17:26

nang ma ku to künkya mongkün oja tüipuix, ija mongkün hwom ma naxngo; ile ku chuwüi hwom ma naxngo ang, kue nang hwom hama apuale fadaoa. Tamchu kue ile othuithuima mokle ngo angkya changle.”

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

ISAIA 45:17

Ikoxle Israel a Jowanpa khosünle, ilaxle she-e lütkya jento ngoüi; she khünaknu a otuechu chie-chisele müntoxüi.’”

WANWÜNKAX 8:5

Nang mazia hexnyi? Zia angkya awan koplax. Nang ongat hexnyi? Khangka zai angkya awan koplax.

WANWÜNKAX 1:20

Apakoplax! Tingjang-lomnu hia thalex-nuibu to je-hwone nyakle ngole,

2 KORIN 12:2

Zangbün ali leüna, khristan sün tuita zangkangting to nwonle dünkya kue awan ngole (otsing tomtata ma ija ile changdao pia hia chixe mikngün ohün ngünlaxpuix kue münawan, Zange tix awan).

ISAIA 11:2

Jowanpa Chasa makhange chix ang hwon-je koxüi, chix khünaknu to apün angkya hanpakma chix a awan-atsingkya koxüi. Chixe Jowanpa mongtex awanle laxüi ilaxle chix achuak-achenle changüi,

KAXHO MÜIKYA LUK 11:49

Idaile Zang hwon-je e thüile: ‘Kue hwom hato ajebu üntoxle kaxho mixbu ahüiüi, ibu züita hwome langüi, ilaxle mamabu to zothupüi!’

1 KORIN 4:15

Khrista ma hünzom lompabu tüihu koxlax, ikoxlechu hünzom ang hopa obiobi müntüi. Chemthüikoxle Kaxho Müikya tokhange Khrista ma ku hünzom hopa ang achangüna.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.