1 KORIN 1:23 - OTSAO BAIBEL (BSI)

²³ ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

1 KORIN 1:23 ပူးပေါင်းရင်းမြစ်များ

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

1 KORIN 2:2

Ipue ku hünzom füi ngopongma, Jisu Khrista üntoxle tamnüilechu chix pünsak ma zikya boma mama pangnu alakle awüt angkya ku mongto texdaoa.

GALATIA 5:11

Ikoxle, khünake khwonzüt zom zing angkya wüi changpu le kue apukle jangngo thüikoxle, athaxchu ku zothup ngo angkya chemtüi? Ibu zangwün otsingtsing jangchang thüikoxle Khrista pünsak bama apuk-apuakya khoma kue sikngün apong angkya müntüise.

1 KORIN 1:18

Chemthüikoxle maxsam le ngokyabu hanpakma, Khrista pünsak ma zikya kaxho a kaxwa changle; Ikoxle kem khosün daokyabu zongto ija a Zangtsak Zang zong changpu.

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

GALATIA 6:14

Ikoxlechu ku hanpakma pi Khrista pünsak bama tix tsaichong-kaxbongüi; chemthüikoxle chix pünsak makhange chaxwannu ku zongto omang, ilaxle chaxwannu zongto ku omang.

MATHI 13:57

Ikhoma hwome chix to chiong. Ikoxlechu Jisu-e thüi: “Mating mahax hia ma homkha boma mama khato ajepa chiajaokya kha müntüi.”

MATHI 11:6

Ku to mongao chitüikyabu ang mong otukux müiüi hex!”

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

GALATIA 3:1

Hünzom Galatia nok ongatbu; hünzom to owae khunpu? Jisu Khrista pünsak ma takle langkya bama kue hünzom hama komkaile wüi wündaopu.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

1 KORIN 1:28

Chaxwannue okho le laxkya tha ama angkya hanpakma, chaxwannue afangle hukya hia tüta ma lax angchu münmüi le awütle thomkya Zange zünle kop.

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

1 KORIN 4:10

Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.