1 KORIN 1:20 - OTSAO BAIBEL (BSI)

²⁰ Je-hwon füikya mix omaün? Tsingpa-manpa omaün? Athaxpongkya tsaipu-kaxpabu omaün? Zange ija chaxwannu je-hwon a ongat changpu le ahodaoa!

1 KORIN 1:20 ပူးပေါင်းရင်းမြစ်များ

ROM NOK HATO ZAKYA POL LAIZA 1:22

Hwome hwom a hwon-hi-je füikya le thüitüi, ikoxle hwom a ongatbu;

JOB LAIPEX 12:17

Chixe apün-awangkyabu angkya je-hwon paole; lompabu ang ongat ningle mok ang tomle.

1 KORIN 3:19

Chemthüikoxle ija chaxwannu je-hwon a Zang zongto ongat changle. Otsao Lai-e thüile: Hwom angangle tsing zai tüipongma, jetüi hwonlangkyabu, Zange tsünle amanle.

1 KORIN 1:19

Otsao Lai-e ile akaxle, “Jetüikya khünak süttho-mwotlom, mokle pao ang chikoxle kue abaxüi.”

ISAIA 44:25

Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.

JOB LAIPEX 12:24

Chixe hwom lompabu ongat ang achangle; khopi-napale maxkya chifün ma hwom ahamle.

1 KORIN 2:6

Bachutix chasa ma tsün atyadaokyabu hato kue je-hwon kaxho apukpu. Ikoxlechu otam amütdao angkya athax pongkyabu din-pan tamchu ma apün-awangkyabu je-hwon bama münchang.

ISAIA 53:1

Khünaknue lan, Athax kwome kaxwün wangkya to owae ongse dai? Ija ma Jowanpa chak owae ngünse dai?

ISAIA 33:18

Mixnok süithat hia zyetmixbu bama hünzom zale ngokya ozang a mong lanlan ma ngoüi.

JOB LAIPEX 12:20

Mongao chitüikya khünakbu chixe adangle; chixe azupabu angkya je-hwon paole.

2 SAMUEL 17:23

Chemtue Ahithofel-e chix zünkax-saikax chilaxkya ngün ang koppuix, chix a ma mantsak kho ma nga ilaxle chix tinglong to chatle pao. Chix hom-hax hia süt-mwot pangwüi khuakhomle toxlaxle chix a alüile fünle zi. Chix a hwom homkha zukting ma akhün.

2 SAMUEL 17:14

Absalom hia Israel khünaknu pangwüie thüi: “Ahithofel füi Hushai zünkax-saikax wüi müihule.” Absalom hato thama chihüi angkya hanpakma, Ahithofel-e koxkya müikya zünkax-saikaxbu mokle chile angkya hanpakma Jowanpae kaxfün tsuakle fa.

2 SAMUEL 16:23

Ipongma Ahithofel kax a tuita Zang kax tukuxle hwome pongle lax; Dawid hia Absalom hokhi pangnyie wüi chix kax ma lax.

2 SAMUEL 15:31

Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

JEREMIA 10:7

Nang pangnu jat-li wanghompa, nang chiachuakkya mix owa tüi? Nang a achuak koxle asule tüile. Nang lailaikya owachu müntüi jat-li angkya je-hwon füikya khünakbu khama chichangba wanghombu khama opupuchu.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

JUHAN 12:31

Ija chaxwannu kaxfün angkya athax changle; athax ija chaxwannu wanghom chilaxle awütüi.

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

ROM NOK HATO ZAKYA POL LAIZA 1:20

Zange chaxwannu zingpong tokhangkya, mik makhange ngün ang chithokya chix, owang wangkya hia ashukkya kha chitüikya ilaxle Zang tsingtsing, ibu tsingshole ngün ang tho. Khünake bue Zang chakzingbu ma ngün ang kople. Ija khoma hwom ang thailak ojao müntüiüi.

1 KORIN 1:26

Kutüi kunaohom, Zange nang nyak pongma nang chem changkya hex, athax nange ija texle ataklax. Khünak chikao ma hünzom züizüi a jetüi hwonlangkya mix chichangba tsakzongkyamix chichangba tu ma alixachong tuita changkya.

1 KORIN 1:27

Jetüi hwonlangkyabu tha ajao ang chaxwannu angkya ongatbu tamchu tsakpa zongpa ang thünzak kox angkya hanpakma chaxwannu angkya zong chitüikyabu, Zange chaktung ma zünle koppu.

1 KORIN 1:28

Chaxwannue okho le laxkya tha ama angkya hanpakma, chaxwannue afangle hukya hia tüta ma lax angchu münmüi le awütle thomkya Zange zünle kop.

1 KORIN 2:8

Ija chaxwannu ma apün-awangkya opupuechu ija je-hwon chitsing. Hwome ija tsingkoxba fuazangkya Jowanpa takle chilangse.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

1 KORIN 6:2

Otsao khünakbue chaxwannu kaxfün angkya changle le hünzome münawan hia? Ile hünzome chaxwannu kaxfün angkya jangchang thüiningle, amuaküsa iningkya zangwün azut ang hünzome münthoüihi?

1 KORIN 11:32

Ikoxle chaxwannu füi tomle kem shoma khato chiua angkya kuxma Jowanpa-e ku kaxfün ilaxle zunle.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.