1 KORIN 1:18 - OTSAO BAIBEL (BSI)

¹⁸ Chemthüikoxle maxsam le ngokyabu hanpakma, Khrista pünsak ma zikya kaxho a kaxwa changle; Ikoxle kem khosün daokyabu zongto ija a Zangtsak Zang zong changpu.

1 KORIN 1:18 ပူးပေါင်းရင်းမြစ်များ

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

2 THESALONIKA 2:10

ilaxle max angkyabu zongto chisumüile dyen-ngan angkya olom pangwüi twonüi. Hwom khosün angkya kuxma otsingtsing hia mongkün pongle chikopkya khoma hwom maxüi.

2 KORIN 4:3

Chemthüikoxle kwome apüikya Kaxho Müikya züizüie tsingle lax ang chitho lechu changüi, ikoxle ija a omüt osam lom to lele ngokyabu pyenkya khoma changüi.

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

1 KORIN 3:19

Chemthüikoxle ija chaxwannu je-hwon a Zang zongto ongat changle. Otsao Lai-e thüile: Hwom angangle tsing zai tüipongma, jetüi hwonlangkyabu, Zange tsünle amanle.

1 THESALONIKA 1:5

Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

1 KORIN 2:2

Ipue ku hünzom füi ngopongma, Jisu Khrista üntoxle tamnüilechu chix pünsak ma zikya boma mama pangnu alakle awüt angkya ku mongto texdaoa.

WANGSHEMBU MWOT 13:41

‘Hulax, hünzom mix ajao ahaikyabu! Abütlax üntoxle zilax! Chemthüikoxle anyix kue mokle ngokya a, hünzom hama owawae apuale fapongma, hünzome chiong angkya oli münchang!’”

IBRI 4:12

Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

2 KORIN 10:4

Kwome achax-azan ang twonkya chang-pax a chaxwannu chang-pax münchang ikoxle Zang tsakzong chang-pax changle. Kwome ibu oshing mongle ziakop laxle ngokya tha ama ang twonle. Chichang khato kaxma ma alatkya pangnu tha kwome amale.

1 KORIN 15:2

Hünzome ija Kaxho Müikya to mongle khexkya khoma hünzom azangle ngopu. Chichang thüikoxba hünzome mongongkya muato maxse.

WANGSHEMBU MWOT 17:32

Pol-e chatle azangle zokya mo wünle atatkya zuma, züizüi chix chanyi, ikoxlechu mamabue thüi: “Nange ija bama chatle wünkox, kwome apase tsule.”

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

1 KORIN 4:10

Khrista kuxma kwom ongatbu, ikoxle hünzom a Khrista ma jetüi hwonlangkyabu. Kwom a shonaile ikoxle hünzom a tsakzongle. Kwom a wünhaile ikoxle hünzom a achuak achenle!

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.