1 JUHAN 5:3 - OTSAO BAIBEL (BSI)

³ Chemthüikoxle keme Zang to mongkünpu le chix kaxtombu kax ma laxle tüikya ang thüipu. Ikoxle chix kaxtombu a kem zongto aluile tsakkya münchang.

1 JUHAN 5:3 ပူးပေါင်းရင်းမြစ်များ

JUHAN 14:15

“Hünzome ku to mong jangkünba, hünzome ku kaxtombu kax ma laxlax.

JUHAN 15:10

Ku chemle Apa kax ma laxle ngopuix, tamchu chix mongkün ma ngopuix, ija ningle hünzomechu ku kaxtom kax ma laxle jangngo thüiba, hünzom chuwüi ku mongkün ma ngoüi.

2 JUHAN 1:6

Kem Zang kaxtombu kax ma laxle ngo angkya hanpakmale kue ija mongkün mo wünle ngopu. Hünzome pongwang tokhange wüi atatle hüikya kaxtom a, hünzom a mongkün ma ngo angkya bama changle.

1 JUHAN 2:3

Keme Zang kaxtom kax ma laxle jangtüiba, keme chix tsingwankya Ija makhange atsingsho le changüi.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

ROM NOK HATO ZAKYA POL LAIZA 7:22

Ku kün-monge a Zang wanlom füi mongmüi le.

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

DANEL 9:4

Kue Jowanpa ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

IBRI 8:10

Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

ROM NOK HATO ZAKYA POL LAIZA 7:12

Idaile chix po ma, wanlom a otsao, sukya tamchu müikya changle.

WANWÜNKAX 3:17

Je-hwone nang tsün tuita pwonla tsün ang achangüi ilaxle ija akaile chem thomzün chitüile le ang tomüi.

MÜNCHUAK-TSAI 119:140

Nang kaxtsao chang angkya jaojao! Kue ija to chemtukux mongkünpuix!

MÜNCHUAK-TSAI 119:45

Ku a komkaile khangkho-zangngaile ngoüi, chemthüikoxle kue nang hwon-nwotbu kax ma laxle chang ang azongpu.

TSAITONG-KAXTONG 5:10

Ikoxlechu ku to mongkün laxle ku wanlombu kax ma laxle tüikyabu hato tsünthom to lünle kue ku mongkün ahole.

LAIPAO 20:6

Ikoxlechu ku to mongkünkya tamchu ku kax ma laxle tüikyabu hajat-hajat tsünthom to kue mongkünpu.

MATHI 23:4

Chisang tangkya hünlix hwome khünaknu tok ma khale koxle ikoxle hwome ibu nwon ang fongle chakkhi zata füi ngaxchu asun angkya mong chidong.

2 WANGHOMBU 18:6

Chixe Jowanpa to mongong thom ilaxle otuechu chixe kax ma chilaxle chitüitox, ikoxle Mosa ang koxkya Jowanpa kaxtombu pangwüi otia ma thom.