1 JUHAN 4:2 - OTSAO BAIBEL (BSI)

² Zang chasa chichang changpuixle hünzome awan angkya olom a ija: Jisu Khrista khünak ang achangle nguipu le owae akaxpuix, chix ma Zang tokhange hüikya chasa tüile.

1 JUHAN 4:2 ပူးပေါင်းရင်းမြစ်များ

1 KORIN 12:3

Zang Chasae zunlaxle ahamkya mix owaechu “Jisu thomün-mwonün”, le münthüi tsuak ilaxle Otsao Chasae lom chizunkya mix owaechu “Jisu a Jowanpa changpu”, le ngai ang müntsuak. Ija hünzome awan kopkoxle müi angkya oli changpu.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

1 JUHAN 5:1

Jisu Khrista to Messaiah changpu le ongkya mix a Zang susa changle; üntoxle Hopa to mongkünkya mixe Hosa tochu mongkünle.

1 JUHAN 4:3

Ikoxlechu Jisu Khrista bama ija owae changbasu le laxpuix, chix ma Zang tokhange hüikya chasa müntüi. Chix ma tüikya chasa a Khrista zongto zan, owa hüi angkya bama hünzome atatle hüipuix, üntoxle owa ipong tokhange ija chaxwannu ma nguile ngoün puix chix chasa changpu.

1 JUHAN 2:23

Chemthüikoxle Hosa pongle chikopkyabue Hopachu wüi pongle münkop; Hosa pongle kopkyabue Hopachu wüi pongle koppu.

1 JUHAN 1:2

Otue ija khüzün ngün ang tsuak le chang, kwome ija ngünpu; idaile kwome ija bama akaxpu üntoxle Hopa füi tomle tüikya oshuk chitüikya khüzün oja kwom ang awan ang tompuix ija mo kwome hünzom hama wünpu.

1 JUHAN 4:15

Owawae Jisu a Zang Hosa changpu le jangngai thüiba, notom ma chix Zang füi tamchu Zang chix füi le ngole.

2 JUHAN 1:7

Jisu Khrista khünak ang achangle nguikya to chiongkya, mixdyen angkyabu zangfang pangnu khato paodaoa. Iningkya khünak a mix-dyen-mix tamchu Khrista zanpa changpu.