1 JUHAN 3:3 - OTSAO BAIBEL (BSI)

³ Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

1 JUHAN 3:3 ပူးပေါင်းရင်းမြစ်များ

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

1 JUHAN 2:6

Keme kem Zang füi notom ma ngopule jangthüi: Khrista chemle ngodaopuix ilailaile kem ngo angkya changle.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

TITA 3:7

Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.

2 PITAR 1:4

Ibu tokhange kem Zang jaopo ma wom angkya üntoxlechu ochax tutex khoma laikya chaxwannu tuma wanshix tokya azangle tsuak angkya bama, chixe kem ang tsaodaokya achongkya tamchu thalix hinghobu kem ang fadaoa.

KAXHO MÜIKYA LUK 6:36

Hünzom Hopa ma chingcha tüikya ningle hünzomchu chingcha füi tüilax.

1 JUHAN 4:17

Kaxfün nyix kem ma mongchyen tüi angkya kuxma mongkün a kem ma okhongui ang tompu; üntoxle keme ija kopüijao chemthüikoxle Khrista chemle tüi, chaxwannu ma kem tsünchu ija füi tuita.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

ROM NOK HATO ZAKYA POL LAIZA 15:12

Anaolechu Isaia-e thüi: “Jesse sixli nguiüi; mixnokbu apün ang chix nwonüi; hwome hwom monghom chix ma thomüi.”

2 SAMUEL 22:27

Tsaothale tüikyabu zongto nang tsaothale le tüi, ikoxlechu chichang-chizangle tüikyabu zongto nang a zanpa tuita.

JUHAN 17:19

Üntoxle hwom hanpakmale ku kulualua to atsaole nang chak to danpu; ija ningle hwomchu wüi nang hato otsao ma naxngui.

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

1 PITAR 1:15

Itülüi, nang ahyenle laxkya Zang chemle Otsao hex, ilailaile nangchu wüi mokkya olom pangnusa ma tsaole tüilax.