1 JUHAN 2:3 - OTSAO BAIBEL (BSI)

³ Keme Zang kaxtom kax ma laxle jangtüiba, keme chix tsingwankya Ija makhange atsingsho le changüi.

1 JUHAN 2:3 ပူးပေါင်းရင်းမြစ်များ

JUHAN 14:15

“Hünzome ku to mong jangkünba, hünzome ku kaxtombu kax ma laxlax.

JUHAN 15:10

Ku chemle Apa kax ma laxle ngopuix, tamchu chix mongkün ma ngopuix, ija ningle hünzomechu ku kaxtom kax ma laxle jangngo thüiba, hünzom chuwüi ku mongkün ma ngoüi.

1 JUHAN 5:3

Chemthüikoxle keme Zang to mongkünpu le chix kaxtombu kax ma laxle tüikya ang thüipu. Ikoxle chix kaxtombu a kem zongto aluile tsakkya münchang.

KAXHO MÜIKYA LUK 6:46

“Hünzome ku ang Jowanpa, Jowanpa, le büthüikoxle nyakpu? Ikoxle kue akaxkya kax ma a chimok?

JUHAN 15:14

Kue hünzom ang chem kaxtom fapuix, ija hünzome jangmok thüiningle, hünzom a ku zongto zuikhui changpu.

1 JUHAN 4:13

Chixe kem ang chix chasa koxkya khoma, notom ma kem Zang füi tomle ngopu tamchu chix kem füi tomle ngopu, ija bama kem khosam müntüi.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

MÜNCHUAK-TSAI 119:32

Kue mongtsutsule nang kaxtombu kax ma laxle tüiüi, chemthüikoxle nange ku ang tsing-wankya anaolechu kox angkya changle.

1 JUHAN 3:19

Ija tix changle kem otsingtsing kux changpu le awan angkya a; ile tix changle keme Zang womle tüikya to mongong angkya a.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

1 JUHAN 3:14

Keme zik dantox daoa ilaxle khüzün hato hüiüna le keme awanpu; keme tüinao tata füi mongkün tüikoxle ija awanpu. Idaile mongkün ma chitüikyabu a athaxchu omang tsakzong fangto ngole.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

MÜNCHUAK-TSAI 119:6

Nang kaxtombu to mongkoxle jangchang thüiningle, ku ang zakkop ang müntomüi.

1 JUHAN 2:13

Apu-apahom, pongwang tokhange wüi, tüile hüikya mix hünzome awankya khoma kue hünzom hato lai zangopu. Tsünzünhom, hünzome onu-oma to lütdao koxle, kue hünzom hato laiza ngopu.

1 JUHAN 3:6

Idaile Khrista füi notom le ngokyabu owaechu ochax lyenle münngo; ikoxle opange ochax lyenle ngolaxpuix hwome chix mangün üntoxle matsing.

1 JUHAN 4:7

Ku mongkün tüinaohom, tata to mong akünle tüilax, chemthüikoxle mongkün a Zang tokhange hüikya changle. Owae mongkün puix ija a Zang susa changle üntoxle chixe Zang tsingpu.

1 JUHAN 5:2

Zangsu Zangsabu to mongkün tüikya keme awan angkya a ija: Ija a Zang to mongkünkya tokhange tamchu chix kaxtombu kax ma laxle tüikya makhangetix.

MIKNGÜN-OHÜN 12:17

Ija mixcha füi dragon ang tüle mongtsik dong, ilaxle Jisu makhange angaikya otsingtsing ma mongong shingmong laxle Zang kaxtombu kax ma laxle tüikya, she sixli, füi achax-azan ang pao.

MIKNGÜN-OHÜN 14:12

Opange Zang kaxtombu kax ma lax üntoxle Jisu tokya mongong ma shingmongle ngopuix, ibu Zang khünakbu hanpakma ikhama adu angkya lomle.