Taetusi 3:2 - Vato Vari Vakameka Voru Ia Batu Ne

² Mara kasi seko sakate na kakia basoe, ba pera qira go. Do iri na ko bule mana vakitaka velaka qira basoero ne go.

Taetusi 3:2 ပူးပေါင်းရင်းမြစ်များ

Matiu 11:29

Muna lama lulua vari vatatana era, mana era ma vatatana qamu go, tanego era qa vari nanao mana qaki vazakazaka va kaega tanuqu go, too nae to qamu mazala soba zena ziṉo loborona too ramu.

Zazu Ria Apostoloro 23:5

Pol ivataule zaqe, igo, “Ramu onotoquro, era qaki rove bana kaega ia i patere go. Buka tabo ne, igo, ‘Oniki seko sakate batu ria basoero aro.’ ”

Kameka Korinti 6:10

mana vano iri siko mana vano iri soko pala na topu na pata, ba poro ge loka ba poro pepeu valu qira kero ne basoero, ba vano iri poro sikosiko go. Kaega kaki kameka ria dena tarina keba za go Too ikoego vari miasoka ia God.

Kameka Korinti 9:19

Era Pol qa basoe ko talukasa, qaki seka ia kaega ka basoe, do qa basoe seka ria to osiqira basoero, go tuna mazala go tavisi ne qira go tarina vaogote go Kristo.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 12:20

Era qaki soko kaega miana ṉalu tuna garetu go, too ramu tina kakavata ne de qa soko go era, mana ramu tamuna mia too rera tina kakavata ne de qamu soko go ramu. Qaki soko kaega garetu soba zena vari valegu, vari qorae, poro muma mana ṉaṉa siko, seko sakata, pepeu valu, vazakanapu mana legulegu de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 6:1

Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Qalesia 6:10

Iago torana iara kone qita go dena ṉalu, ita mata zazu ne ze pata velaka de iri koego vano qata kamekae go vaogoto na Kristo.

Epesus 4:2

Osina ṉalu muna vaqoqoro tanuqamu mana vasadake mamaligara ramu, de iri koego kero ne basoero gerena de iri soko go tanuqira.

Epesus 4:31

Iago muna vana ne osina nanao sakata de ikoego kene basoe, ba nanao muma ba nanao vasakate na basoe. Kasi kara lapase basoe ba sine na pataro iva vokara qira qo basoero ne. Kasi zazu ne pataro iki totoloṉo go kaega.

Pilipae 4:5

Vasadake too varinanao, de iri koego basoero ne, Batu ne tiniki umata kaega tina lama go.

Kameka Tesalonika 2:7

Pata ogoto remu qimu apostolo ia Jesu Kristo. Iago itora qemu so pene qamue ramu kakia pata go tara tavisi nego too remu, ko remu de qamu koego ramu osina pata, qimu vamalumu ze so de qamu koe go ramu. Remu qimu gere so sinana sale i miasoka velaka qira go sale ro ia.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Kameka Timoti 3:3

Ia tiniki poro ge loka kaega, ba poro varitara kaega, do tina vakapo qira basoero mana tina basoe bulebule go, mana mara kasi poro soko kesa go.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Kameka Pita 2:1

Iago ramu kasi ara luluna vatovato sakataro nae mana kasi ara poqe, kasi tatakiu, kasi misi ba seko sakate na kene basoe go.

Kameka Pita 3:10

Gerena Buka tabo ne igo, “Ka basoe i soko go ko kula loborona too ia, mana i soko go miana musaqara ro velaka gogo ne, mara mamanava sine na pata poqe ro.

Kameka Pita 3:8

Va lupolupona seko era, ramu muna ko kameka mana kameka nanao. Muna vari mamaligarae gere kameka tamakenaro, vari manavae mana ko qoqoro loborona koko ramu go.

Kameka Pita 4:4

Mana torana dena vano rodoko iri lete poloso ne qamu ramu, tanego qamuki tavisi qirae kaega too piru mana too sakata iri zazu nego, iago ria iri seko sakata qamu.

Karua Pita 2:10

Basoero iri kimata go dena, ria to basoero iri zazu ne go vatovato sakata de ikoego kene basoe, mana iri mia vaqoqore karaputa ia God go. Mana vano vari va tatana poqepoqe ro dena iri vazaka napu, mana iri lulua so nanao ria tanuqira. Iriki nanao vamazale kaega aqelo ro iri koego rani zakazaka ne, mana iri seko va qoqoro qira go.

Judi 1:10

Do basoero dena iri seko sakate so pataro iriki rove velake go kaega. Do pata ro iri rove go ria ne, iato pataro iri zazu ne go so pata qaraqara ro ne. Iago pataro nae to ivasakata qira go ria.

Judi 1:8

Vatovato dena igerena napu so basoero iriki vaogote go kaega God. Ria iri mia kukureka ria iago, iri va zazua so vasakate na tokama qira mana iri vaqoqore karaputa ia God mana iri seko vasakate aqelo ro ia God iri koe go rani ne.